ព្រះសីហនុ៖ នៅថ្ងៃទី១៤ ខែមិថុនា ឆ្នាំ២០២៤ វេលាម៉ោង ១៣:១៥នាទី លេីផ្លូវបុរីកម្មករ ត្រង់ចំណុចមុខស្ថានីប្រេងភីធីធីសេតេ ស្ថិតក្នុងភូមិ២ សង្កាត់លេខ២ ក្រុង/ខេត្តព្រះសីហនុ។
មានករណីគ្រោះថ្នាក់ចរាចរណ៍កើតឡើង បង្កដោយខ្លួនឯង ម៉ូតូ ០១គ្រឿង ម៉ាក WAVE ពណ៌ខ្មៅ គ្មានពាក់ផ្លាកលេខ បើកបរដោយឈ្មោះ ហ៊ាង សុវណ្ណា ភេទប្រុស ឆ្នាំកំណើត២០០៧ ជនជាតិខ្មែរ មានទីលំនៅ ភូមិជ្រៃកោងសង្កាត់ចោមចៅទី២ ខណ្ឌពោធ៍សែនជ័យ ភ្នំពេញ ដែលមានទិសដៅពី លិច ទៅ កើត លុះមកដល់ចំណុចកេីតហេតុខាងលេីបើកបរក្នុងល្បឿនលឿនបណ្ដាលអោយដួលអូសលើថ្នល់តែម្ដង ។
ករណីគ្រោះថ្នាក់ចរាចរណ៍ខាងលេីនេះ បណ្តាលអោយរងរបួសធ្ងន់មនុស្ស ០១នាក់ ជាអ្នកបើកបរម៉ូតូ បានបញ្ចូនទៅសម្រាក
ព្យាបាលនៅមន្ទីពេទ្យបង្អែកខេត្តព្រះសីហនុ ។
វត្ថុតាង ម៉ូតូ ០១គ្រឿង បានយកមករក្សាទុកនៅការិយាល័យចរាចរណ៍ផ្លូវគោកខេត្តព្រះសីហនុ ។
