អភិបាលខេត្តរតនគិរីឯឧញ៉ែមសំអឿនកាលពីព្រឹកថ្ងៃអង្គារទី១៣ខែធ្នូឆ្នាំ២០២២បានធ្វើការផ្តាំផ្ញើទៅដល់ប្រជាពលរដ្ឋទូទាំងខេត្តរតនគិរី ជាពិសេសប្រជាពលរដ្ឋដែលកំពុងរស់នៅក្នុងក្រុងបានលុងសូមអោយចូលរួមធ្វើអនាម័យទាំងអស់គ្នាដើម្បីបរិស្ថាននៅក្នុងក្រុងរបស់យើង និងដើម្បីត្រៀមទាក់ទាញភ្ញៀវ់ ទាំងភ្ញៀវជាតិ និងអន្តរជាតិដែលចូលមកដំណើរកំសាន្តនៅក្នុងឱកាសបុណ្យឆ្លងឆ្នាំថ្មីឆ្នាំសកលដ៍ខី្លខាងមុខនេះ។
អភិបាលខេត្ត រតនគិរីទទូចស្នើសុំដល់ប្រជាពលរដ្ឋណាដែលរស់លើដីចិញ្ជើមផ្លូវដីចំណីផ្លូវសាធារណ:របស់រដ្ឋមេត្តាបញ្ឈប់និងរំដោះចិញ្ចើមថ្នល់ជូនរដ្ឋដើម្បីបញ្ជៀសនូវគ្រោះថ្នាក់ចរាចរណ៍ដែលកើតមានឡើងជាយថហេតុផ្សេងៗ និងទុកអោយផ្លូវមានភាពទូលំទូលាយដើម្បីហាត់កីឡា ។ ដូច្នេះអភិបាលខេត្តសូមធ្វើការអំពាវនាវអោយប្រជាពលរដ្ឋយើងចូលរួមយុទ្ធនាការទាំងអស់គ្នា យុទ្ធនាការអ្វី?គឺយុទ្ធនាការតាមមុខគេហដ្ឋានបងប្អូននិមួយៗជាពិសេស មុខរម្មណីយដ្ឋានសណ្ធាគារ ផ្ទះសំណាក់ គ្រប់ក្រសួងមន្ទីរជុំវិញខេត្ត (គ្មានសំរាម)។ ឯ.ឧ ថាៈ ប្រសិនជាមុខផ្ទះរបស់យើងម្នាក់ៗនិងគ្រប់គ្នាធ្វើបាននោះ ទីក្រុងរបស់យើងស្អាតយ៉ាងត្រចះត្រចង់ដូចគ្រាប់ពេជ្រអញ្ចឹងអាចទាក់ទាញភ្ញៀវទេសចរណ៍គ្រប់ជាតិសាសន៍ចូលមកទស្សនាកំសាន្តបានច្រើនកុះករថែមទៀតជាដរាប។ ឯ.ឧបន្តថា:ឥឡូវនេះផ្តើមចេញពីមន្ត្រីរាជការកងកម្លាំងប្រដាប់អាវុធនិងវិស័យឯកជនធ្វើជាគំរូ បន្ទាប់មកទើបយើងដឹកនាំដល់ប្រជាពលរដ្ឋធ្វើការណែនាំគាត់ពីមួយថ្ងៃទៅមួយថ្ងៃ ខណះនេះយើងកំពុងតែចែកវេណដល់មន្ត្រីរាជការរបស់យើងគ្រប់ក្រសួងមន្ទីរអង្គភាពដើម្បីដឹកនាំ ធ្វើម៉េចអោយស្អាត ពិព្រោះខេត្តយើងជាខេត្តមួយសំរាប់ទាក់ទាញវិស័យទេសចរណ៍ខាំងជាងវិស័យដទៃៗទៀត។ ក្នុងបរិយាកាសគ្រោមសុខសន្តិភាពរបស់រាជរដ្ឋាភិបាលដែលមានសម្តេចតេជោហ៊ុនសែនជាថ្នាក់ដឹកនាំរបស់យើង។
អភិបាលខេត្តបានបញ្ជាក់ថានាពេលដ៍ខ្លីខាងមុខនេះគឺពិធីឆ្លងឆ្នាំសកល យើងមានខនដននៅមន្ទីវប្បធម៌វិចិត្រសិល្បះសម្តេចតេជោរបស់យើងនេះដោយមានការដាក់តាំងធ្វើស្តង់ បង្ហាញពីផលិតផលក្នុងស្រុករបស់ប្រជាពលរដ្ឋយើងដើម្បីប្រកួតប្រជែងនៅលើទីផ្សារអន្តរជាតិផងដែរ។ ដោយចាប់ផ្តើមពីថ្ងៃទី២៤រហូតដល់ឆ្លងឆ្នាំ ឬក៍ឈានទៅដល់ថ្ងៃប្រារព្ឋពិធីបុណ្យរំដោះជាតិ7មករាផងដែរ។ សំខាន់ផ្តោតការយកចិត្តទុកដាក់លើបរិស្ថានល្អ ការធ្វើអនាម័យល្អជាកត្តាដ៍ចាំបាច់បំផុត។
ការខនដននេះចាប់ផ្តើមនៅថ្ងៃទី៣១ ឈានចូលថ្ងៃទី០១ខែមករាឆ្នាំ២០២៣ ជាថ្ងៃថ្មីខែថ្មីឆ្នាំថ្មីតែម្តង។ ក្នុងនោះមានកម្មពិធីប្រគុំដូរតន្ត្រីសម័យបុរាណបង្ហោះភ្លេឺងគូម និងបាញ់កាំជ្រួចជាដើមជាពិសេសមានការរាំកំសាន្តសប្បាយ។ទាំងអស់នេះជាការប៉ះប៉ូវពិធីបុណ្យអុំទូកកន្លងទៅដែលយើងពុំបានធ្វើដោយសារភ្លៀងជោគជាំខ្លាំងពេក ហើយកន្លែងដែលត្រូវប្រារព្ឋពិធីនោះ ដីភក់ជ្រាំធ្វើអ្វីៗអត់ទាន់ទាំងអស់ ដូច្នេះសូមប្រជាពលរដ្ឋយោគយល់និងអធ្យាស្រ័យ។ ចាប់ពីពេលនេះតទៅយើងអាចមានឱកាសបានប្រារព្ឋពិធីបុណ្យផ្សេងៗបានគ្រប់រដូវកាលទោះបីមានឧបសគ្គឬអាកាសធាតុប្រែប្រួលយ៉ាងណាក៍ដោយ។
អភិបាលខេត្តបានអះអាងថាជារៀងរាល់ឆ្នាំខាងមុខនេះគ្រប់ហេដ្ឋារចនាសម័ន្ឋនានាក្នុងខេត្តរតនគិរីទាំងមូលនិងមានការអភិវឌ្ឍន៍ទ្វេឡើងជាបន្តបន្ទាប់ជាលំដាប់ ដូចជាផ្លូវស្ពានប្រព័ន្ឋលូត្រូវរៀបចំអោយបានស្អាត។
តាមដងផ្លូវនិមួយៗមានគំនូស មានចំណាំងផ្លាតនិងផ្លាក់សញ្ញាចរាចរណ៍អោយបានត្រឹមត្រូវជាដើម។
ជាក់ស្តែងនៅចុងឆ្នាំ២០២២ផ្លូវជុំវិញផ្សារជាបេះដូងរបស់ក្រុងបានលុងត្រូវបានស្ថាបនាផ្លូវបុីតុងបានយ៉ាងល្អប្រណិតដោយមានទំហំធំទូលាយថែមទៀតធ្វើឲ្យពលរដ្ឋទូទាំងខេត្តសប្បាយរីករាយយ៉ាងក្រៃលែងដោយសារពួកគាត់មើលឃើញថាជាច្រើនអណតិមកហើយពុំដែលឃើញថ្នាក់ដឹកនាំរូបណា?តែងគិតគូរកសាងបានសមទ្ធិផលល្អបែបនេះឡើយ ។ ប្រជាពលរដ្ឋសាទរចំពោះសមទ្ធិផលថ្មីៗដែលអភិបាលខេត្តរតនគិរីសម្រេចបានគួរជាទីមោទភាពបំផុត៕
