ភ្នំពេញ៖ ក្រុមហ៊ុអរអេហ្វស្រ៊ីវើលដ៍ម៉ាឃិធីងខេមបូឌា បានធ្វើសន្និសីទសារព័ត៌មានមួយស្តីពី«ប្រសិទ្ធិភាពផលិតផលនិងប្រសិទ្ធិភាពនៃការពិនិត្យឈាមដោយប្រើឧបករណ៍ទំនើបមីក្រូស្កុប» ដោយមានអ្នកសារព័ត៌មានជាច្រើនស្ថាប័នបានចូលរួម នារសៀលថ្ងៃសៅរ៍៤កើត ខែ អាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០២ ខែកក្កដា ឆ្នាំ២០២២ នៅទីស្នាក់ការកណ្តាលក្រុមហ៊ុនអរអេហ្វស្រ៊ីវើលដ៍ ប្រចាំនៅកម្ពុជា។
ជាកិច្ចចាប់ផ្តើមនៃអង្គសន្និសីទសារព័ត៌មាននេះ លោក វុធ វណ្ណី នាយកប្រតិបត្តិ អង្គភាពសារព័ត៌មាន កម្ពុជាសន្តិភាព ជាអ្នកសម្របសម្រួលកម្មវិធី បានបំផុសសំណួរដល់អង្គសន្និសីទសារព័ត៌មាន ជាពិសេសបានផ្តើមសំណួរសួរទៅលោក វណ្ណ សុភានោ អគ្គនាយកក្រុមហ៊ុនអរអេហ្វស្រ៊ីវើលដ៍ម៉ាឃិធីងខេមបូឌា ថា តើការធ្វើសន្និសីទសារព័ត៌មាននាពេលនេះមានគោលបំណងអ្វី? ថា តើផលិតផលហ្វើម៉ិចស្រ៊ី មានប្រសិទ្ធិភាពកំរិតណា និងថា តើការពិនិត្យឈាមដោយឧបករណ៍ទំនើបមីក្រូស្កុប មានប្រសិទ្ធិភាពយ៉ាងណា? ។
លោក វណ្ណ សុភានោអគ្គនាយកក្រុមហ៊ុនអរអេហ្វស្រ៊ីវើលដ៍ម៉ាឃិធីងខេមបូឌា បានមានប្រសាសន៍ថា ការធ្វើសន្និសីទសារព័ត៌មាននៅថ្ងៃនេះ គឺមានគោលបំណងទី១ ដើម្បីពង្រឹងថ្នាក់ដឹកនាំ ម្ចាស់ស្តុកនៅគ្រប់សាខាមានការយល់ដឹងនិងចេះប្រើប្រាស់ឧបករណ៍ទំនើបមីក្រូស្កុបធ្វើតេស្តឈាម ពីព្រោះមីក្រូស្កុបនេះជាឧបករណ៍ពិនិត្យលំហូរឈាមដើម្បីដឹងពីសុខភាពយើងល្អឬមិនល្អ។ នេះជាការលើកកម្ពស់សុខភាពបងប្អូនប្រជាពលរដ្ឋឱ្យមានការយល់ដឹងពីការថែទាំសុខភាពឱ្យល្អផងដែរ ទី២ ដើម្បីពង្រីកទីផ្សារឱ្យកាន់តែមានសន្ទុះនៅក្នុងព្រះរាជាណាចក្រកម្ពុជា ដើម្បីចូលរួមលើកកម្ពស់ជីវភាពបងប្អូនប្រជាពលរដ្ឋ កាត់បន្ថយភាពក្រីក្រស្របតាមគោលនយោបាយរបស់រាជរដ្ឋាភិបាល។ លោក វណ្ណ សុភានោ បានបន្ថែមថា ចាប់ខែបន្ទាប់ទៅនេះ ក្រុមហ៊ុននឹងចុះធ្វើការផ្សព្វផ្សាយតាមបណ្តារាជធានី-ខេត្ត ជាពិសេសតាមសាខាគ្រប់ខេត្តក្រុងដើម្បីពង្រឹងថ្នាក់ដឹកនាំដែលជាម្ចាស់ស្តុកមានការយល់ដឹងបន្ថែមទៀតពីការប្រើប្រាស់ឧបករណ៍មីក្រូស្កុប និងការប្រើប្រាស់ផលិតផលឱ្យមានប្រសិទ្ធិភាពខ្ពស់ និងដើម្បីជាយុទ្ធសាស្ត្រពង្រីកទីផ្សារ។ លោកបានឱ្យដឹងផងដែរថា ក្រុមហ៊ុនមានកម្មវិធីជាច្រើនសម្រាប់សមាជិក សមាជិកា ថ្នាក់ដឹកនាំ តំណាងម្ចាស់ស្តុក គ្រប់រាជធានី-ខេត្ត មានដូចជា៖ កម្មវិធីដំណើរកម្សាន្តទាំងក្នុងស្រុកនិងក្រៅស្រុក ប៉ុន្តែសម្រាប់ឆ្នាំនេះ ដំណើរកម្សាន្តក្នុងស្រុកសិន ដើម្បីឱ្យបងប្អូនស្គាល់ទីកន្លែងរមណីយដ្ឋាន តំបន់ទេសចរណ៍នៅប្រទេសយើង និងបានមើលឃើញពីវឌ្ឍនភាពក្នុងស្រុករបស់យើង។ ទន្ទឹមនឹងនេះដែរ ដើម្បីបានចូលរួមដំណើរកម្សាន្តជាមួយក្រុមហ៊ុន អាស្រ័យលើការខិតខំរបស់បងប្អូន។
លោកវេជ្ជបណ្ឌិត អាហ្សាសាន (Dr. Azasan) អគ្គនាយករង នៃក្រុមហ៊ុនអរអេហ្វស្រ៊ីវើលដ៍អន្តរជាតិ ប្រចាំប្រទេសម៉ាឡេស៊ី បានឆ្លើយតបនឹងសំណួរថា តើការប្រើប្រាស់មីក្រូស្កុបមានប្រសិទ្ធិភាពដូចម្តេច? ជាដំបូងឡើយ ការប្រើប្រាស់ឧបករណ៍មីក្រូស្កុបនេះនៅប្រទេសម៉ាឡេស៊ីមុនគេ ដែលធ្វើឱ្យប្រជាពលរដ្ឋម៉ាឡេស៊ីកាន់តែមានការជឿជាក់លើកផលិតផលគ្រីមហ្វើម៉ិចស្រ៊ី។ លោកបានបន្ថែមថា មូលហេតុនៃការប្រើឧបករណ៍មីក្រូស្កុបនេះ ទី១ ដើម្បីពិនិត្យសុខភាពដែលអាចដឹងភ្លាមៗ តាមរយៈការតេស្តលំហូរឈាម ទី២ ប្រសិទ្ធិភាពផលិតផល (មុនប្រើនិងក្រោយប្រើ តើខុសគ្នាដូចម្តេច?) ទី៣ បញ្ជាក់ពីជំងឺ ទី៤ អាចសន្និដ្ឋានជំងឺត្រូវបាន៨០% ទី។ ដូចនេះ ក្រោយពីការធ្វើតេស្តឈាមតាមរយៈឧបករណ៍មីក្រូស្កុប យើងចាប់ផ្តើមប្រើគ្រីមហ្វើម៉ិចស្រ៊ី ហើយរយៈពេល៥នាទី យើងនឹងដឹង។ លោកបានបញ្ជាក់ថា បេសកកម្មរបស់លោកមកកាន់ប្រទេសកម្ពុជា គឺដើម្បីបណ្តុះបណ្តាលវគ្គខ្លីស្តីពីការប្រើប្រាស់មីក្រូស្កុបដល់បងប្អូនជាសមាជិក សមាជិកា ថ្នាក់ដឹកនាំ ម្ចាស់ស្តុកគ្រប់ស្តុកនៅក្នុងព្រះរាជាណាចក្រកម្ពុជា។ ជាមួយគ្នានោះដែរ លោក វេជ្ជបណ្ឌិត អាហ្សាសាន (Dr. Azasan) បានឱ្យដឹងថា ក្រុមហ៊ុនអរអេហ្វស្រ៊ីវើលដ៍អន្តរជាតិ មានសមាជិក៥៨ប្រទេសហើយនៅលើពិភពលោក មកដល់បច្ចុប្បន្ននេះ។ ដោយឡែក សម្រាប់ប្រទេសកម្ពុជា ជាប្រទេសជាប់ចំណាត់ថ្នាក់លេខ០៣ ផ្នែកខាងការប្រើប្រាស់ផលិតផលហ្វើម៉ិចស្រ៊ីប្រកបដោយប្រសិទ្ធិភាពនិងប្រសិទ្ធផលខ្ពស់នៅលើពិភពលោក។
សំណួរសួថា តើមុនការប្រើគ្រីមនិងក្រោយប្រើគ្រីមខុសគ្នាដូចម្តេច? ជាចម្លើយ លោក វេជ្ជបណ្ឌិត អាហ្សាសាន (Dr. Azasan) បានលើកឡើងថា នេះជាសំណួរ ដែលគេ តែងតែសួរ។ ដើម្បីដឹងជាក់ស្តែង យើងប្រើឧបករណ៍មីក្រូស្កុបពិនិត្យឈាម យើងនឹងដឹងភ្លាមៗតាមរយៈការមើលឃើញជាក់ស្តែងនៅក្នុង
ឧបករណ៍មីក្រូស្កុបពិនិត្យឈាមនេះ។ ហើយការពិនិត្យនេះអត់អស់សេវាទៀត គឺការពិនិត្យមិនយកថ្លៃ។ លោកបានបន្ថែមថា ម្យ៉ាងវិញទៀត គ្រីមហ្វើម៉ិចស្រ៊ីនេះ អាចប្រៀបបានជាវេទមន្ត ដោយសារតែមិនចាំបាច់ចំណាយពេលយូរ ហើយក៏ជាគ្រីមប្រើបានមនុស្សទូទៅ មិនថាក្មេង ចាស់ដោយគ្មានប្រតិកម្មអ្វីឡើយ។ មួយវិញទៀត ឧបករណ៍មីក្រូស្កុបនេះ ក៏ប្រើបានចំពោះមនុស្សទូទៅដែរ ដោយមិនគិតថ្លៃ។
លោក ម៉ាត់ហហ្សាឌី ប្រធានទីផ្សារអន្តរជាតិប្រចាំក្រុមហ៊ុនអរអេហ្វស្រ៊ីវើលដ៍អន្តរជាតិម៉ាឡេ
ស៊ី បានលើកឡើងតប់នឹងសំណួរថា ក្នុងសម័យជំងឺរាតត្បាតកូវិដ១៩ ថាតើក្រុមហ៊ុនអរអេហ្វស្រ៊ីវើលដ៍ជួបនូវការលំបាកអ្វីខ្លះ? មានវិបត្តិផ្នែកហិរញ្ញវត្ថុដែរឬទេ? លោកថា មិនមានអ្វីជាឧបសគ្គដល់ដំណើរការអភិវឌ្ឍក្រុមហ៊ុនយើងឡើយ។ យើងនៅតែអាចរក្សាលំនឹងបានដដែល។ ដោយសារតែ ផលិតផលរបស់យើងផ្តល់ទាំងសុខភាពនិងជីវភាពដល់ប្រជាពលរដ្ឋ ដែលប្រើជាប្រចាំ។ ហើយយុទ្ធសាស្ត្រទីផ្សាររបស់យើងនៅតែទទួលបានជោគជ័យជាបន្តបន្ទាប់។
លោកបានបន្តថា ជាទិសដៅបន្ត យើងសម្លឹងឃើញទីផ្សារប្រទេសវៀតណាម ដែលបច្ចុប្បន្នបាននិងកំពុងពង្រឹងថ្នាក់ដឹកនាំ សមាជិក សមាជិកា ដើម្បីទទួលបានជោគជ័យដូចប្រទេសកម្ពុជាដែរ។
លោក ញ៉ែម មករា មកពីទូរទស្សន៍ហង្សមាស បានលើកជាសំណួរថា តើប្រជាពលរដ្ឋគួរគិតពីចំណុចណា ពាក់ព័ន្ធនឹងផលិតផល ដើម្បីជាជម្រើសដ៏ត្រឹមត្រូវ? ដោយសារបច្ចុប្បន្ននេះមានផលិតផលច្រើនស្អេកស្កាស់ ហើយផលិតផលខ្លះក្លែងក្លាយ បោកប្រាស់ច្រើន។
ឆ្លើយតបនឹងសំណួរនេះ លោក វណ្ណ សុភានោ អគ្គនាយកក្រុមហ៊ុនអរអេហ្វស្រ៊ីវើលដ៍ប្រចាំកម្ពុជា ថា « មានរបស់ពីរ៖ ទី១ របស់ថ្លៃមានប្រសិទ្ធិភាព ទី២របស់ថោក គ្មានប្រសិទ្ធិភាព ថាតើបងប្អូនគួរជ្រើសរើសយកមួយណា ប្រសើរជាង? យើងមិនអាចធានាអះអាងទេ តែយើងអាចប្រាប់ពីរយៈពេលបាន។ រឺឯប្រសិទ្ធិភាពយ៉ាងណានោះ បងប្អូនមើលឃើញស្រាប់ ជាពិសេសបងប្អូនដែលបានទទួលការថែទាំសុខភាពពីផលិតផលហ្វើម៉ិចស្រ៊ី។ ទាក់ទិននឹងផលិតផលក្លែងក្លាយនេះ លោកបានផ្តាំផ្ញើថា សូមឱ្យបងប្អូនមានការប្រុងប្រយ័ត្ន មុននឹងជាវផលិតផលយកទៅប្រើ ពីព្រោះផលិតផលខ្លះមិនសុទ្ធ។ ការនិយាយនេះ យើងមិនបានបណ្តុះបង្អាបផលិតផលក្រុមហ៊ុនណាមួយឡើយ។ លោកបានឱ្យដឹងផងដែរថា បច្ចុប្បន្ននេះក្រុមហ៊ុនមានម៉ាស៊ីនទំនើបពិនិត្យឈាម មីក្រូស្កុប ចំនួន៧គ្រឿង ដែលនឹងត្រូវចែកជូនតាមសាខា ចំនួន០៧សាខា មុនគេ ជាពិសេសបំពាក់ជូនម្ចាស់ស្តុកដែលបានឆ្លងកាត់ការសិក្សារយៈពេល០២ថ្ងៃមកនេះ ជាមួយលោកវេជ្ជបណ្ឌិត អាហ្សាសាន ផ្ទាល់។
បន្ថែមលើនេះ លោកវេជ្ជបណ្ឌិត អាហ្សាសាន (Dr. Azasan) អគ្គនាយករងក្រុមហ៊ុនអរអេហ្វស្រ៊ីវើលដ៍អន្តរជាតិ នៅម៉ាឡេស៊ី បានធ្វើការផ្តាំផ្ញើដល់បងប្អូនអតិថិជន សូមឱ្យមានការប្រុងប្រយ័ត្ន ពិព្រោះមាននខិលខូចមួយចំនួនអាចយកផលិតផលរបស់យើងទៅក្លែងបន្លំ។ ម្យ៉ាងវិញទៀត ដោយសារមានការប្រកួតប្រជែងទីផ្សារច្រើននៅលើពិភពលោក។
សូមបញ្ជាក់ដែរថា ការធ្វើសន្និសីទសារព័ត៌មានរយៈពេល១ម៉ោង រួចមក លោក វណ្ណ សុភានោ អគ្គនាយកក្រុមហ៊ុនអរអេហ្វស្រ៊ីវើលដ៍ម៉ាឃិធីងខេមបូឌា បានផ្តល់ជូនផលិតផលមួយឈុតៗដល់អ្នកសារព័ត៌មានផងដែរ៕
