ប៉ៃលិន៖ ដោយមួយរយះនេះគេសង្កេតឃើញអ្នកមន្ត្រីមួយចំនួនតូចនិងអ្នកមានលុយមួយចំនួនតែងតែនាំគ្នារុករានដីព្រៃពិសេសគឺភ្នំតែម្តងតែងតែទៅជីកកកាយដើម្បីឲ្យភ្នំទាំងនោះក្លាយជាដីទួលឬតំបូករួចឃុបឃិតជាមួយមន្ត្រីសុរិយោដីចេញប្លង់កម្មសិទ្ធឯកជនដែលធ្វើឲ្យដីព្រៃនិងភ្នំជាធនធានត្រូវបាត់បង់មួយថ្ងៃបន្តិតៗស្ទើតែអស់ទាំងស្រុងទៅហើយ។
ដោយឃើញការវិនាសបាត់បង់ធនធានធម្មជាតិយ៉ាងធ្ងន់ធ្ងរទើបអភិបាលខេត្តប៉ៃលិនបានចេញវិធានការយ៉ាងតឹងរឹងនិងបញ្ជារឲ្យអាជ្ញាធរក្រុងស្រុកនិងមន្ត្រីជំនាញចុះធ្វើការហាមឃាត់គ្រឿងចក្រជាបន្តបន្ទាប់ជាច្រើនគ្រឿងក្នុងរយះពេលតែមួយសប្តាហ៍នេះ។
ជាក់ស្តែងកាលពីថ្ងៃទី១៦ ខែមិថុនានេះលោកជំទាវអភិបាលខេត្ត បានដឹកនាំមន្ត្រីមន្ទីរជំនាញជុំវិញខេត្តចុះពិនិត្យ និងឃាត់គ្រឿងចក្រចំនួន០២គ្រឿងករណីជីកកកាយដីចំណីភ្នំ នៅចំណុចភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ។
ជាមួយគ្នាលោកជំទាវ បាន ស្រីមុំ អភិបាលខេត្តបានបញ្ជារយ៉ាងមុតមាំដល់មន្ទីរជំនាញដែលពាក់ព័ន្ធមួយចំនួន ននិងបុគ្គលុំានលុយមានអំណាចសូមបញ្ឈប់នូវសកម្មភាព រំលោភបំពានដីចំណីភ្នំនិងដីព្រៃឈើ គឺជាកម្មសិទ្ធិរដ្ឋបើមិនបញ្ឈប់ កម្មភាពទាំងនោះទេនិងប្រឈមមុខច្បាប់ជាក់ជាមិនខាន៕ដោយ ភ្នំខៀវ
