លោកសុខ សុទ្ធី អញ្ជើញអម ដំណើរ ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំ ណង់ ចុះពិនិត្យទីតាំងដីចុះបញ្ជីជាដីរដ្ឋ សម្រាប់វិនិយោគ

- ពាណិជ្ជកម្ម -

កោះកុង÷នៅថ្ងៃសៅរ៍ ទី១២ ខែមីនា ឆ្នាំ២០២២ លោក សុខ សុទ្ធី អភិបាលរងខេត្តកោះកុង តំណាងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញអមដំណើរឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដើម្បីចុះពិនិត្យទីតាំងដីចុះបញ្ជីជាដីរដ្ឋ និងសម្រាប់វិនិយោគនៅកោះទទឹង ស្ថិតនៅភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង ។

សូមបញ្ជាក់ ការចុះពិនិត្យទីតាំងដីរដ្ឋសម្រាប់វិនិយោគនៅកោះទទឹងនេះ ក៏មានការចូលរួមពី លោកប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី លោកអភិបាលស្រុកគិរីសាគរ លោកមេឃុំកោះស្តេច មេភូមិកោះស្តេច និងអ្នកអមដំណើរមួយចំនួនទៀត ៕ ដោយ ញុឹប សន