ខេត្តព្រះសីហនុ :មានករណីគ្រោះថ្នាក់ចរាចរណ៍បង្កឡើងរវាងរថយន្ដទំនើបបុកម៉ូតូឲ្យមនុស្ស ០២នាក់ម្នាក់បាត់បង់ជីវិតនិងម្នាក់ទៀតរងរបួសធ្ងន់ ហេតុការណ៍ភ្ញាក់ផ្អើលមួយនេះកើតឡើងនៅវេលាម៉ោង៧ :៤៥នាទី យប់ថ្ងៃទី៣ ខែមិនា ឆ្នាំ២០២២តាមបណ្ដោយផ្លូវអូឈើទាលស្ថិតក្នុងភូមិ ៤ សង្កាត់លេខ៤ ក្រុងព្រះសីហនុ/ ខេត្តព្រះសីហនុ ។
យោងតាមអ្នកបានឃើញហេតុការណ៍ផ្ទាល់នៅន្លែងបានប្រាប់ក្រុមការងារអ្នកសារព័ត៌មានបានឲ្យដឹងថាមុនពេលកើតរថយន្ដស៊េរីទំនើបមួយគ្រឿងម៉ាក់តូយូតាឡង់គ្រីស័រ (Toyota Land cruiser)ពណ៌សរ ពាក់ស្លាក់លេខ ភ្នំពេញ 2DB -8803បើកទិសដៅពីជើងទៅត្បូងលុះដល់ចំណុចកើតហេតុខាងលើក៏បានបត់រំពេជនោះស្រាបតែមានម៉ូតូមួយគ្រឿងទៀតម៉ាក់ស៊ុយស្ហ៊ុយគីលេត (Suzuki Let’s)ពណ៌សរ ពាក់ស្លាកលេខតាកែវ 1Q -2776បើកបញ្ចាស់ទិសគ្នាក្នុងស្ថានភាពលឿនលេងគ្នាការជ្រុលមកបុកជាមួយនឹងរថយន្ដពីមុខពេញទំហឹងបណ្ដាលឱ្យមនុស្សពីរនាក់ដួលមកក្បាលស្លាប់បាត់បង់ជីវិតនៅកន្លែងកើតហេតុម្នាក់និងម្នាក់ទៀតរងរបួសធ្ងន់បាក់ជើងតែម្ដង ។
ក្រោយពេលកើតហេតុសមត្ថកិច្ចនគរបាលចរាចរណ៍ផ្លូវគោគវាស់វែងរួចរាល់ក៏បានស្ទូចយករថយន្តនិងម៉ូតូយកទៅរក្សាទុកនៅការិយាល័យដើម្បីរងចាំភាគីទាំងសងខាងចូលរួមចចាដោះស្រាយទៅតានិវិធីច្បាប់។ដោយ វ៉ាន់នី
