ខេត្តកែប៖ តាមដំណឹងល្ហៀកៗ នៅថ្ងៃទី២៩ ខែឧសភា ឆ្នាំ២០២០ ខាងមុខនេះ នឹងមានការរៀបចំពិធី ផ្លាស់ប្តូរផ្ទេរមុខតំណែង និងតែងតាំង អភិបាល អភិបាលរង នៃខេត្តកែប ក្រោមអធិបតីដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅឯសាលាខេត្តកែប។ ពិធីនេះ នឹងមានវត្តមាន ប្រធានមន្ទីរ អង្គភាពជុំវិញខេត្ត ចូលរួមយ៉ាងច្រើន។ សូមបញ្ជាក់ថា អភិបាលខេត្តកែប ឯកឧត្តម កែន សត្ថា ត្រូវបានផ្លាស់ប្តូរភារកិច្ច ដោយឡើងជំនួសដោយអភិបាលរងខេត្ត គឺឯកឧត្តម សោម ពិសិដ្ឋ៕
