ភ្នំពេញ៖ ផ្ទះប្រជាពលរដ្ឋចំនួន៤ខ្នង ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អេីល ដល់បងប្អូនប្រជាពលរដ្ឋ និងសមត្ថកិច្ចហៅរថយន្តពន្លតអគ្គិភ័យ ចុះមកអន្តរាគមន៍ភ្លាមៗ កាលពីវេលាម៉ោង១២និង២០នាទី រំលងអាធ្រាត្រឈានចូលថ្ងៃទី១០ ខែវិច្ឆិកាឆ្នាំ ២០២០ ស្ថិតនៅក្បែររង្វង់មូលផ្សារដើមថ្កូវ តាមបណ្តោយផ្លូវ៤៣០ ក្នុងសង្កាត់ផ្សារដេីមថ្កូវ ខណ្ឌចំការមន រាជធានីភ្នំពេញ។
តាមប្រភពព័ត៌មាន ពីកន្លែងកេីតហេតុបានឲ្យដឹងថា ផ្ទះខាងលេីមានចំនួន៤ខ្នងជាប់ៗគ្នា ដោយផ្ទះទី១ និងទី២មានលក់បាយម្ហូបការហ្វេពេលព្រឹក និងផ្ទះទី៣មានលក់ចាបហួយ ផ្ទះទី៤មានលក់នំកង។
ប្រភពព័ត៌មានបន្តថា មុនពេលកេីតហេតុគេ បានឃេីញអណ្តាតភ្លេីងឆាបឆេះ យ៉ាងសន្ធោសន្ធៅ ផ្សែងខ្មួរខ្មាញ់ទេីបបង្កការភ្ញាក់ផ្អេីល និងរាយការណ៍ ទៅសមត្ថកិច្ចហៅរថយន្តពន្លតអគ្គិភ័យ ជាច្រើនគ្រឿងមកអន្តរាគមន៍។
សមត្ថកិច្ចបានឲ្យដឹងថា ក្នុងហេតុការណ៍ខាងលេីនេះ រថយន្តពន្លតអគ្គីភ័យមកចំនួន២១គ្រឿង និងប្រេីប្រាស់អស់ចំនួន១៧គ្រឿង អគ្គិភ័យក៏រលត់ទាំងស្រុងតែម្តង។ ចំពោះផ្ទះចំនួន៤ខ្នងខាងលេី គឺរងការខូចខាតទាំងស្រុងតែម្តង សំណាងមិនមានមនុស្សរងរបួស។ ចំពោះមូលហេតុ ជំហ៊ានដំបូងសមត្ថកិច្ចសន្និដ្ឋាន មកពីឆ្លងចរន្តអគ្គិសនី៕ រូបភាព និងអទ្ថបទ៖ ស៊ីន កុសល
