(ឧត្តរមានជ័យ)ស្ត្រីម្នាក់ដែលអ្នកភូមិគេស្គាល់ច្បាស់ថាជាអ្នកលក់សាច់ឆ្កែមួយកន្លែងខាងក្រោយផ្សារសំរោងខណ:ពេលកំពុងជិះម៉ូតូត្រឡប់ទៅផ្ទះវិញក៏ជួបគ្រោះអកុសល្យត្រូវឡានកាម៉ារីឆ្លាម១គ្រឿងបើកបុកចំពីក្រោយយ៉ាងពេញទំហឹងបណ្តាលឲ្យស្លាប់ភ្លាមៗក្រោយពីបញ្ជូនដល់មន្ទីរពេទ្យ ហេតុការណ៏គ្រោះថ្នាក់ចរាចរណ៏នេះបានកើតឡើងនៅរសៀលថ្ងៃទី២៣ ខែវិច្ឆិកាឆ្នាំ២០២៣ វេលាម៉ោង១៥និង៣០នាទីស្ថិតនៅមុខអធិការក្រុងសំរោងតែម្តង។
សមត្ថកិច្ចមូលដ្ធានបានបញ្ជាក់ឲ្យដឹងថា មានករណីគ្រោះថ្នាក់ចរាចរណ៍មួយកេីតឡើងរវាង រថយន្ត និងម៉ូតូ បេីកបរស្របទិសគ្នាពីកេីតទៅលិច នៅត្រង់ចំណុចលេីផ្លូវជាតិលេខ៦៨ ចន្លោះបង្គោលគីឡូម៉ែត្រលេខ ១១២/១១៣ ស្ថិតក្នុងភូមិដូនកែន សង្កាត់សំរោង ក្រុងសំរោង ខេត្តឧត្តរមានជ័យ បណ្តាលឲ្យស្លាប់ចំនួន ០១នាក់ (ស្រី) បន្ទាប់ពីដឹកបញ្ជូនតាមរថយន្តទៅដល់មន្ទីរពេទ្យបង្អែកខេត្ត។
១/អ្នកបើកបរម៉ូតូឈ្មោះ មាស បូរ ភេទស្រី អាយុ ៤៨ ឆ្នាំ មុខរបរ លក់ដូរដាច់ឆ្កែ(មិនពាក់មួកសុវត្ថិភាព) រស់នៅភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ បើកបរម៉ូតូម៉ាកវ៉េវ ពណ៌ខ្មៅ ពាក់ស្លាកលេខ ឧត្តរមានជ័យ 1B.1860 បើកបរពីកើតទៅលិច( ស្លាប់ពេលបញ្ជូនទៅដល់មន្ទីរពេទ្យ) ។
២/អ្នកបេីកបរថយន្ដឈ្មោះ សយ សែន ភេទប្រុស អាយុ ៦៤ ឆ្នាំ មុខរបរ ទាហាន រស់នៅភូមិតាមាន់សែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ បើកបររថយន្តម៉ាកTOYOTA CAMRY ពណ៍ប្រផេះ ពាក់ស្លាកលេខ ភ្នំពេញ 2F-6020 បើកបរពីកេីតទៅលិច (គ្មានរបួស)។
បើយោងតាមរបាយការណ៏ពីសមត្ថកិច្ចជំនាញចរាចរណ៏បានអះអាងថា ករណីគ្រោះថ្នាក់ខាងលើមូលហេតុ៖ ម៉ូតូឆ្លងផ្លូវមិនប្រុងប្រយ័ត្ន។
គួររំលឹកថា ក្រោយពេលកើតហេតុ កម្លាំងជំនាញចរាចរណ៍ក្រុងសំរោង បានចុះទៅដល់កន្លែងកើតហេតុដេីម្បីធ្វេីការវាស់វែង ។ ចំណែកឯសព បានប្រគល់ជូនក្រុមគ្រួសារយកទៅធ្វេីបុណ្យតាមប្រពៃណី។ រីឯវត្ថុតាងទាំងពីរបានយកមករក្សាទុកនៅអធិការដ្ឋាននគរបាលក្រុងសំរោងដេីម្បីរៀបចំនីតិវិធីចាត់ការតាមផ្លូវច្បាប់។ឈឹម.កុសល។