(បាត់ដំបង)បុរសម្នាក់ត្រូវបានអ្នកស្រុកប្រទះឃើញដេកស្លាប់ក្នុងទឹកប្រឡាយយ៉ាងអាណោចអាធ័មក្រោយរូបគេយកឧបករណ៍ចេញទៅឆក់ត្រីទំនងខុសបច្ចេកទេសក៏បណ្តាលអោយឆ្លងចរន្តឆក់សា្លប់ខ្លួនឯងតែម្តង។
សមត្ថកិច្ចបានអោយដឹងថា ហេតុការណ៍គួរអោយភ្ញាក់ផ្អើលខាងលើនេះបានកើតឡើងនៅវេលាម៉ោង០៨និង២៨នាទី ថ្ងៃទី២០ ខែមីនា ឆ្នាំ ២០២២ នៅចំណុចប្រឡាយទឹកមួយកន្លែង សស្ថិតក្នុងក្រុមទី២ ភូមិពោធិ៍២ ឃុំគារ ស្រុកមោងឫស្សី ខេត្តបាត់ដំបង។
សពជនរងគ្រោះមាន ឈ្មោះ សាំង ចាន់ ភេទប្រុស អាយុ ៣៨ឆ្នាំ រស់នៅភូមិពោធិ៍១ ឃុំគារ ស្រុកមោងឬស្សី ខេត្តបាត់ដំបង ហើយក្រោយកើតហេតុសមត្ថកិច្ចជំនាញបានចុះទៅពិនិត្យធ្វើកោសល្យវិច័យរួចប្រគល់សពអោយខាងសាច់ញាតិយករៀបចំធ្វើបុណ្យតាមប្រពៃណី៕ដោយ ភ្នំខៀវ
