ភ្នំពេញ ៖ ប្រភពព័ត៌មានពីប្រជាពលរដ្ឋបានបង្ហេីបឲ្យដឹងថា មានទីតាំល្បែងសុីសងបញ្ជល់មាន់ និងល្បែងសុីសងជាច្រើនប្រភេទទៀត ដែលកំពុងបើកដំណើរការលេងដោយរលូន នៅខាងក្រោយមន្ទីពេទ្យ សែន សុខ តាមបណ្តោយផ្លូវ១០១១ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ មិនត្រឹមតែប៉ុណ្ណោះគេឃេីញមានអ្នកយាមកាមទៀតផងសង្ស័យជាឆ្នាំងបាយរបស់អាជ្ញាធរ។
ពលរដ្ឋបានបង្ហេីបទៀតថា ទីតាំងខាងលេីបេីកដំណេីរការជាយូមកហេីយតែមិនដែលឃេីញមានអាជ្ញាធរពាក់ព័ន្ធណាម្នាក់ចុះទៅបង្ក្រាបនោះទេ ដោយមួយថ្ងៃៗគេឃើមានអ្នកញៀនល្បែងចូលលេងជាហូហែ និងការចាក់ភ្នាល់លុយរាប់មុឺនទៀតផង។
កន្លងមកលោក ឃួង ស្រេង អភិបាលនៃគណៈអភិបាលរាជធានីភ្នំពេញបញ្ជារយ៉ាងមឺងម៉ាត់អោយសមត្ថកិច្ចទាំង១៤ខណ្ឌបង្ក្រាបឲ្យអស់រាល់ល្បែងស៊ីសងខុសច្បាប់ដេីម្បីអនុវត្តន៍តាមគោលនិយោបាយភូមិ សង្កាត់មានសុវត្តិភាព តែផ្ទុយទៅវិញ លោកម៉ូវ ម៉ានិតអភិបាលខណ្ឌសែនសុខ និងលោកហ៊ួរ ម៉េងវ៉ាង អធិការនគរបាលខណ្ឌសែនសុខហាក់ដូចជាមិនរវល់បង្ក្រាបទាល់តែសោះ៕ ( ដោយ ឆាយ តារា )
