ឃាត់ខ្លួនជនសង្ស័យប្រុសស្រី០៥នាក់ ជាមួយកាំភ្លេីងខ្លី០១ដេីម និងថ្នាំញៀនជាច្រើនកញ្ចប់

(បាត់ដំបង) កម្លាំងផ្នែកប្រឆាំងគ្រឿងញៀនសហការជាមួយកម្លាំងអន្តរាគមន៍ នៃអធិការដ្ឋាននគរបាលស្រុកឯកភ្នំ បានធ្វើការឃាត់ខ្លួនជនសង្ស័យប្រុសស្រីចំនួន០៥នាក់ពីបទរក្សាទុកដោយខុសច្បាប់នូវសារធាតុញៀន។

កិច្ចប្រតិបត្តិការខាងលើនេះធ្វើឡើងកាលពីវេលាម៉ោង ១៥និង០០នាទី ថ្ងៃទី០៥ ខែវិច្ឆិកា ឆ្នាំ២០២៤ នៅចំណុចភូមិបាក់អំរែក ឃុំព្រែកហ្លួង ស្រុកឯកភ្នំ ខេត្តបាត់ដំបង ដែលជនសង្ស័យ/ទី០១-ឈ្មោះ សុិន វាសនា ហៅឈ្លេីម ភេទប្រុស អាយុ ២៧ឆ្នាំ រស់នៅភូមិបាក់អំរែក ស្រុកឯកភ្នំ /ទី០២-ឈ្មោះ គា លាងគ្រី ហៅ ម៉ៅ ភេទប្រុស អាយុ ៣៧ឆ្នាំ រស់នៅភូមិព្រែកហ្លួង ស្រុកឯកភ្នំ /ទី០៣-ឈ្មោះ ម៉ាប់ មឿត ភេទប្រុស អាយុ ២៣ឆ្នាំ រស់នៅភូមិបាក់រទេះ ស្រុកឯកភ្នំ /ទី០៤-ឈ្មោះ វ៉ៃ លឹមពៀវ ភេទប្រុស អាយុ ២៦ឆ្នាំ រស់នៅភូមិស្ដីលេី ស្រុកឯកភ្នំ /ទី០៥- ឈ្មោះ ឡុង ធីតា ភេទស្រី អាយុ ២៧ឆ្នាំ រស់នៅភូមិកំពង់សីម៉ា សង្កាត់វត្តគរ ក្រុងបាត់ដំបង ។

វត្ថុតាងចាប់យកបានរួមមាន! ,ម្សៅក្រាមពណ៌សថ្លាច្រកក្នុងថង់ប្លាស្ទិកចំនួន០៩ថង់សង្ស័យមានសារធាតុញៀន ,កាំភ្លេីងខ្លី ម៉ាកK54 លេខ 27009445 មួយដេីមបង់មួយ និងគ្រាប់០៨គ្រាប់ ,ទូរស័ព្ទដៃ០៣គ្រឿង ,ថង់សម្រាប់ច្រកថ្នាំញៀននិងសម្ភារសម្រាប់ប្រេីប្រាស់ថ្នាំញៀនមួយចំនួន។

បច្ចុប្បន្នជនសង្ស័យបាននឹងកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលស្រុកឯកភ្នំ ដេីម្បីកសាងសំណុំរឿងបញ្ជូនទៅការិយាល័យជំនាញតាមនិតិវិធី៕