More

    ក្រុមអ្នកលេងដាវកាំបិត៤នាក់ ត្រូវបានកម្លាំងនគរបាលឃាត់ខ្លួន ក្រោយបង្កអសន្តិសុខ និងបង្កហិង្សា

    spot_img

    បន្ទាយមានជ័យ៖ កម្លាំងនគបាល នៃអធិការដ្ឋាន នគរបាលក្រុងប៉ោយប៉ែត បង្ក្រាបក្រុមក្មេងទំនើង០៤នាក់ ដែលប្រើប្រាស់កំបិទដាវ បង្កអសន្តិសុខសង្គម លើករណីហិង្សាដោយចេតនា មានស្ថានទំងន់ទោស និងធ្វើឲ្យខូចខាតទ្រព្យសម្បត្តិ៍អ្នកដទៃ ត្រូវបានបញ្ជូនទៅកាន់នគរបាលជំនាញ នៃស្នងការដ្ឋាន នគរបាលខេត្តចាត់ការបន្ត នៅព្រឹកថ្ងៃទី០៤ ខែកុម្ភៈ ឆ្នាំ២០២១។

    លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឲ្យដឹងថា ដោយអនុវត្តតាមបទបញ្ជា លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក្នុងការបង្ក្រាប និងទប់ស្កាត់បទល្មើសគ្រប់ប្រភេទ ជាពិសេសករណីក្មេងទំនើង បន្ទាប់ពីទទួលបានព័ត៌មាន លោកបានដឹកនាំកម្លាំង សហការជាមួយកម្លាំងជំនាញព្រហ្មទណ្ឌ និងមានចូលរួមសហការ ពីប្រជាពលរដ្ឋបានកំណត់មុខសញ្ញា និងធ្វើការឃាត់ក្មេងទំនើងទាំង០៤នាក់នេះ ជាបន្ទាប់ នៅថ្ងៃទី យប់ថ្ងៃទី២ ខែកុម្ភៈ ឆ្នាំ២០២១ បន្ទាប់ពីក្រុមក្មេងទំនើងទាំងនោះ បានធ្វើសកម្មភាពកាប់បំផ្លាញ ទ្រព្យសម្បត្តិ៍អ្នកដទៃ ក្នុងភូមិសាស្ត្រក្រុងប៉ោយប៉ែត។

    ជនសង្ស័យទាំង០៤នាក់ មាន១.ឈ្មោះ សេង ណាឃីម ភេទប្រុស អាយុ១៥ឆ្នាំ ទី២.ឈ្មោះ ឃី សំឡី ហៅខ្លី ភេទប្រុស អាយុ១៦ឆ្នាំ ទី៣. ឈ្មោះ សេង សម្បត្តិ ភេទប្រុស អាយុ១៦ឆ្នាំ និងជនសង្ស័យទី៤ ឈ្មោះ វង់ ភ័ក្ត្រា ហៅ ប៉ាប៉ាត្រា ភេទប្រុស ជនសង្ស័យទាំង០៤នាក់ រស់នៅក្នុងសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

    សមត្ថកិច្ចបញ្ជាក់ថា ក្មេងទំនើងទាំងនេះ គឺជាក្រុមក្មេងដែលតែងតែបង្ករឿង និងធ្លាប់ធ្វើសកម្មភាពកាប់គ្នា និងបំផ្លាញទ្រព្យសម្បត្តិអ្នកដ៏ទៃ ជាញឹកញាប់ណាស់ ដោយមិនចាំបាច់មានជម្លោះអ្វីធំដុំឡើយ គ្រាន់តែមើលមុខ ក៏ពួកគេវាយកាប់ ឬបំផ្លាញទ្រព្យសម្បត្តិអ្នកដទៃផងដែរ៕ រូបភាព និងអត្ថបទ៖ ក្តាមស្រែ

    spot_img

    អត្ថបទទាក់ទង

    spot_img