កោះកុង៖ កាលពីល្ងាចថ្ងៃទី២០ ខែធ្នូ ឆ្នាំ២០២០ ប្រជាពលរដ្ឋប្រមាណជាង៤០គ្រួសារ រស់នៅភូមិនាងកុក ឃុំប៉ាក់ខ្លង ស្រុកមណ្ឌលសីមា បានសម្ដែងនូវការអបអរសាទរ សប្បាយរីករាយត្រេកអរ ចំពោះអាជ្ញាធររួមទាំងម្ចាស់ដី និងម្ចាស់របង ដែលបានចូលរួមចំណាយដី និងម្ចាស់ដីឡូត៍ ចំណាយរបងរួមថវិកាមួយ ចំនួនទៀត ដើម្បីរួមចំណែកក្នុងការចូលរួមអភិវឌ្ឍន៍ និងស្ថាបនាផ្លូវតភ្ជាប់ ពីភូមិមកថ្នល។
ពលរដ្ឋជាច្រើននាក់បានលើកឡើង ពួកគាត់មានក្តីរីករាយ សាទរចំពោះការចូលរួម ពីម្ចាស់ដី នឹងម្ចាស់របងក្រុមហ៊ុនដីឡូ ដែលបានចូលរួមបរិច្ចាកទាំងដីទាំងរបង ដើម្បីតភ្ជាប់ផ្លូវ ចេញពីក្នុងភូមិមកភ្ជាប់ផ្លូវភ្លោះ ជូនប្រជាពលរដ្ឋ ដើម្បីងាយស្រួលក្នុងការធ្វើដំណើរ ពិសេសនឹងងាយ ស្រួលទៅដល់សិក្សានុសិស្សធ្វើ ដំណើរទៅសាលារៀនទៀតផង។
ពលរដ្ឋបានសម្ដែងនូវអំណរអរ គុណយ៉ាងជ្រាលជ្រៅ ចំពោះអាជ្ញាធរឃុំ លោក អៀវ កុសលនិងលោក ប្រាក់ វិចិត្រ អភិបាល ស្រុកមណ្ឌលសីមា ដែលបានយកចិត្តទុកដាក់ អំពីសុខទុក្ខប្រជាពលរដ្ឋ ពិសេសទៅទៀតនោះ សូមថ្លែងអំណរគុណទៅ ដល់ម្ចាស់ទីតាំងដី អ្នកស្រី ឃួន សុខឿន និងម្ចាស់របងក្រុមហ៊ុនដីឡូត៍ ដែលបានចូលរួមមួយ ចំណែកជូនប្រជាពលរដ្ឋ។
គួរបញ្ជាក់ផងដែរថា លោកស៊ុយ សុភាព និងអ្នកស្រី ខឿន សុខឿន រួមទាំងម្ចាស់របងក្រុមហ៊ុនដីឡូត៍ ដោយបានមើលឃើញពីទុក្ខលំបាករបស់ប្រជាពលរដ្ឋក្នុងការធ្វើដំណើរវាងហើយជួបផលពិបាកនៅរដូវវស្សា ទើបលោកសម្រេចចិត្តចំណាយដី ៥×២០ ម៉ែត្រ នឹងទម្លុះរបស់បងចំនួន៧ម៉ែត្រ ជូនប្រជាពលរដ្ឋ៕ រូបភាព និងអត្ថបទ៖ សុគន្ធី
