More

    អាជ្ញាធរក្រុងប៉ោយប៉ែតជួសជុលផ្លូវ ខូចជាង១០គីឡូម៉ែត្រជូនពលរដ្ឋឡើងវិញ ក្រោយរងប៉ះពាល់ដោយទឹកជំនន់

    spot_img

    បន្ទាយមានជ័យ៖ ផ្លូវគ្រួសថ្មមិច និងគ្រួសក្រហមបីខ្សែប្រវែង ជាង១០គីឡូម៉ែត្រ ក្រោយពីរងផលប៉ះពាល់ ដោយទឹកជំនន់ទឹកភ្លៀង ត្រូវអាជ្ញាធរក្រុងប៉ោយប៉ែត ជួសជុលសម្រួល ឲ្យប្រជាពលរដ្ឋប្រើប្រាស់ឡើងវិញ នៅព្រឹកថ្ងៃទី២៦ ខែវិច្ឆិកា ឆ្នាំ២០២០ ស្ថិតនៅក្នុងសង្គាត់និមិត្ត ក្រុងប៉ោយប៉ែត។

    លោក គាត ហ៊ុល អភិបាលក្រុងប៉ោយប៉ែត បានមានប្រសាសន៍ថា ដោយមានការណែនាំពីឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានក្រុមការងាររដ្ឋាភិបាល ចុះជួយខេត្តបន្ទាយមានជ័យ ក្រោយពីទឹកជំនន់ទឹកភ្លៀងបានស្រក អាជ្ញាធរបានចុះពិនិត្យនៅតាមលំនៅឋាន របស់ប្រជាពលរដ្ឋ ដែលរងផលប៉ះពាល់ដោយទឹកជំនន់ទឹកភ្លៀង កាលពីអំឡុងខែតុលា កន្លងទៅ ហើយបានជួសជុលផ្ទះ ផ្តល់ពូជដំណាំរួមផ្សំផ្សេងៗ ក៏ដូចជាកែសម្រួលផ្លូវខ្វាត់ខ្វែង នៅតាមមូលដ្ឋានជាបណ្តើរៗ សំរាប់ប្រជាពលរដ្ឋប្រើប្រាស់។

    លោកអភិបាលក្រុងបញ្ជាក់ថា ដើម្បីជាការឆ្លើយតប នឹងតម្រូវការចាំបាច់របស់ប្រជាពលរដ្ឋ ក្នុងការធ្វើដំណើរ លោកបានដឹកនាំក្រុមការងារ យកគ្រឿងចក្រទៅឈូសឆាយ កៀរកិនបង្ហាប់ បង្រាប ជួសជុលស្តារឡើងវិញ នូវផ្លូវទាំង៣ខ្សែនេះ នៅក្នុងសង្កាត់និមិត្ត មានផ្លូវកូបធំ ផ្លូវដុញអារញ្ញ និងផ្លូវចូលភូមិថ្មសិន សរុបមានប្រវែងជាង១០គីឡូម៉ែត្រ ដែលរងផលប៉ះពាល់ ដោយសារទឹកជំនន់ ក្រឡុកធំៗ និងខូចខាតដោយទឹកហូរច្រោះផ្តាច់ បង្កផលលំបាកដល់ប្រជាពលរដ្ឋ ក៏ដូចជាប្រជាកសិករ ក្នុងរដូវប្រមូលផលស្រូវ សម្រួលដល់ប្រជាពលរដ្ឋ សិស្សានុសិស្ស និងប្រជាកសិករ ងាយស្រួលក្នុងការបើកបរ ដឹកកសិផល និងផលដំណាំរួមផ្សំផ្សេងៗ យកទៅលក់នៅទីផ្សារ ប្រកបមុខរបររកស៊ីផងដែរ៕ រូបភាព និងអត្ថបទ៖ ក្តាមស្រែ

    spot_img
    spot_img

    អត្ថបទទាក់ទង

    LEAVE A REPLY

    Please enter your comment!
    Please enter your name here

    spot_img