បន្ទាយមានជ័យ៖ រថយន្តពីរគ្រឿងប៉ះគ្នាលាន់ដូចរន្ទះ បានបណ្តាលឲ្យមនុស្ស២នាក់រងរបួសធ្ងន់ និងតៃកុងម្ខាងទៀតដាក់មេប្រូច។ ដែលហេតុការណ៍នេះ បានកើតឡើងនៅវេលាម៉ោង ១១និង៤០នាទី ថ្ងៃទី២១ ខែវិច្ឆិកា ឆ្នាំ២០២០នេះ នៅចំនុចផ្លូវជាតិលេខ៥៩ ខាងត្បូងផ្លូវកូនដំរី ស្ថិតក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
បើតាមសមត្ថកិចហចបានឲ្យដឹងថា រថយន្តហាយឡែនឌ័រ មានស្លាកលេខបន្ទាយមានជ័យ 2B.9199 បើកបរពីត្បូងជើង លុះដល់ចំនុចកើតហេតុខាងលើបានប៉ះគ្នា ជាមួយរថយន្តកូរ៉េ ដឹកទឹកកកអនាម័យឲ្យក្រុមហ៊ុន ភ្នំមាស (អេង ហ៊) មានស្លាកលេខ បាត់ដំបង 3A. 3310 បើកបរពីជើងទៅត្បូង ដោយដាច់ក្រឡេ ទើបបង្កឲ្យគ្រោះថ្នាក់បែបនេះកើតឡើង។
សមត្ថកិច្ចដដែលបានបន្តថា៖ ចំណែកអ្នករងគ្រោះ បើកបររថយន្តហាយឡែនឌ័រ ពីរនាក់ប្តីប្រពន្ធ រងរបួសធ្ងន់នៅមិនទាន់ស្គាល់អត្តសញ្ញាណ ត្រូវបានដឹកយកទៅសង្រ្គោះ នៅមន្ទីរពេទ្យដើម្បីធ្វើការសង្រ្គោះ។ និងចំណែកតៃកុងរថយន្តកូរ៉េ ក្រោយពេលគ្រោះថ្នាក់ បានដាក់មេប្រូចបាត់ស្រមោលឈឹងតែម្តង។ បច្ចុប្បន្នរថយន្តទាំងពីរគ្រឿង ត្រូវយកទៅរក្សាទុក នៅប៉ុស្តិ៍នគរបាលសង្កាត់និមិត្ត ជាបណ្តោះអាសន្នរង់ចាំ ការដោះស្រាយគ្នា នៅពេលក្រោយ៕ រូបភាព និងអត្ថបទ៖ សន សុង
