ជនជាតិវៀតណាម១នាក់បានស្លាប់ក្រោយធ្លាក់ពីលើអាគារមួយកន្លែង នៅឆាយណាថោន អគារលេខ៨ ជាន់ទី៨ ក្រុងព្រះសីហនុ

(ព្រះសីហនុ)៖ ជនជាតិវៀតណាម១នាក់បានស្លាប់ភា្លមយ៉ាងអាណោចអធម ក្រោយធ្លាក់ពីលើអាគារកម្ពស់៨ជាន់ និងបង្កការ
ភ្ញាក់ផ្អើល នៅវេលាម៉ោង៧ និង៣០នាទី ថ្ងៃទី៧ ខែសីហា ឆ្នាំ២០២៤ ស្ថិតនៅសង្កាត់លេខ៤ ក្រុងព្រះសីហនុ ។មូលដ្ឋានកងរាជអាវុធហត្ថក្រុងព្រះសីហនុ បានទទួលព័ត៌មានថា មានជនជាតិវៀតណាម ០១នាក់ ស្លាប់ នៅឆាយណាថោន អគារលេខ៨ ជាន់ទី៨ ស្ថិតនៅសង្កាត់លេខ៤ ក្រុង-ខេត្តព្រះសីហនុ។

យោងតាមរបាយការណ៍សមត្ថកិច្ចបានឲ្យដឹងថា សាកសពជនរងគ្រោះឈ្មោះ TRAN THIEN AN ភេទប្រុស ជនជាតិវៀតណាម អាយុចន្លោះពី២៥ឆ្នាំ ដល់៣៥ឆ្នាំ  សមត្ថកិច្ចជំនាញបានពិនិត្យសព្វសារពាង្គកាយពុំមានស្លាកស្នាមអ្វីក្រៅពីធ្វើអត្តឃាតខ្លួឯងនោះទេ។

តាមការសាកសួរបំភ្លឺពីរបស់សមត្ថកិច្ចទៅកាន់សន្តិសុខបានឲ្យដឹងថា នៅថ្ងៃទី៧ ខែសីហានេះ វេលាម៉ោង៥ និង០០នាទី គាត់បានលឺសំលេងផាំងដូចមានរបស់ធ្លាក់ពីលើអគារ ភ្លាមនោះសន្តិសុខគាត់ក៏បានដើរទៅត្រួតពិនិត្យមើលស្រាប់តែឃើញជនរងគ្រោះដេកស្លាប់នៅលើដីបាត់ទៅហើយ សន្តិសុខក៏បានរាយការណ៍ប្រាប់អ្នកគ្រប់គ្រងអគារ អ្នកគ្រប់គ្រងអគារក៏បានរាយការណ៍ប្រាប់សមត្ថកិច្ចអំពីរឿងហេតុនេះ ។

បច្ចុប្បន្នសាកសពត្រូវបានបញ្ជូនទៅរក្សាទុកនៅសាលកម្កល់សព នៃមន្ទីរពេទ្យបង្អែកខេត្តព្រះសីហនុ៕