ព្រះសីហនុ ៖ មានករណីភ្ញាក់ផ្អើលមួយបានកើតឡើងរវាងជនជាតិចិនមួយក្រុមបានជារថយន្តទំនើបមួយគ្រឿងធ្វើសកម្មភាពចាប់មនុស្សរុញចូលក្នុងរថយន្តបង្កការភ្ញាក់ផ្អើល កាលពីវេលាម៉ោង១២:០០នាទីយប់ថ្ងៃទី៦ ខែ សីហា ឆ្នាំ២០២៤ នៅម្តុំស្តុបផ្សារពាណិជ្ជកម្ម មុខអាហារដ្ឋាន ឈ្មោះ តុងប៉ីហ្សាវខាវ ស្ថិតនៅភូមិ២ សង្កាត់លេខ២ ក្រុង-ខេត្តព្រះសីហនុ។
ភ្លាមៗនោះកម្លាំងសមត្ថកិច្ចជំនាញចម្រុះតែម្ដងក្រុមការបញ្ជាពី ឯកឧត្តម អគ្គស្នងការរង និងជាស្នងការនគរបាលខេត្តព្រះសីហនុ ដឹកនាំដោយលោកឧត្តមសេនីយ៍ត្រី ណុប បញ្ញា ស្នងការរងផែនការងារព្រហ្មទណ្ឌ បានបើកកិច្ចប្រតិបត្តិការស្រាវជ្រាវជិះបន្ទាប់ៗរហូតដល់ម៉ោង ០២:៣០យប់ថ្ងៃទី ៦ ខែឆ្នាំដដែល ទើបឈានដល់ការឃាត់ខ្លួនជនសង្ស័យតែម្ដងសរុប៨នាក់ ក្នុងនោះមានជនជាតិចិន ៦នាក់ និងខ្មែរ២នាក់ព្រមទាំងបាន រំដោះជនរងគ្រោះបានចំនួន០២នាក់ ស្រ្តីខ្មែរ០១នាក់ និងជនជាតិចិន០១នាក់ផងដែរ។
យោងតាមរបាយការណ៍បញ្ជាក់របស់សមត្ថកិច្ចជំនាញនៃស្នងការដ្ឋាននគរបាលខេត្តព្រះសីហនុ ពាក់ព័ន្ធករណីខាងលើនេះសមត្ថកិច្ចជំនាញបានធ្វើការបានដកហូតនូវ កាំភ្លើងខ្លី០២ដើម ខ្នោះដៃចំនួន០២គូរ និងវត្ថុតាងមួយចំនួនទៀត។ បច្ចុប្បន្នកម្លាំងជំនាញកំពុងស្រាវជ្រាវបន្តដើម្បីកសាងនិតិវិធីច្បាប់បញ្ជូនទៅតុលាការ៕
ជុំវិញករណីហេតុការណ៍ភ្ញាក់ផ្អើលនៅតាមដងផ្លូវសាធារណៈខាងលើនេះតាមរបាយការណ៍របស់សមត្ថកិច្ចនៅមិនទាន់មានការបញ្ជាក់ថាករណីនេះជាករណីអ្វី?
