(ខេត្តបាត់ដំបង) ស្ត្រីម្នាក់ត្រូវបានជនមិនស្គាល់អត្តសញ្ញាណមួយក្រុមមានគ្នាប្រមាណ០៦នាក់ ជិះម៉ូតូ០៣គ្រឿង ជិះបំបុក និងទាញកាំបិតភ្ជង់គំរាមយកម៉ូតូ០១គ្រឿងទៅដោយសុវត្ថិភាព បង្កការភ្ញាក់ផ្អើលនៅវេលាម៉ោង០៥និង២០នាទីថ្ងៃទី០៤ ខែសីហា ឆ្នាំ២០២៤ នៅត្រង់ចំណុចក្រុមទី០១ ភូមិរាំងក្រោល ឃុំរាំងកេសី ស្រុកសង្កែ ខេត្តបាត់ដំបង ។
សមត្ថកិច្ចបានបញ្ជាក់ថា ករណីអំពេីលួចខាងលើនេះបង្កឡើងដោយជនសង្ស័យមិនស្គាល់អត្តសញ្ញាណមានគ្នាប្រមាណ ០៦នាក់ បានជិះម៉ូតូ០៣គ្រឿង ម៉ាកហុងដាឌ្រីម ពណ៌ខ្មៅ០២គ្រឿង និងម៉ូតូម៉ាកហុងដាស្គុបពីពណ៌ប្រផេះ០១គ្រឿង ជិះបំបុកម៉ូតូរបស់ជនរងគ្រោះ ឈ្មោះ ឈឿន រដ្ឋា ភេទស្រី អាយុ១៧ឆ្នាំ រស់នៅក្រុមទី០៤ ភូមិក្បាលថ្នល់ ឃុំកំពង់ព្រៀង ស្រុកសង្កែ ខេត្តបាត់ដំបង និងបានយកកាំបិតភ្ជង់គំរាមយកម៉ូតូ០១គ្រឿងម៉ាកហុងដាឌ្រីម ស៊េរីឆ្នាំ២០២០ ពណ៌ខ្មៅ ពាក់ស្លាកលេខ បាត់ដំបង ១AK-០៥០៤ រួចជិះគេចទៅដោយសុវត្ថិភាព។
ក្រោយពេលកើតហេតុកម្លាំងសមត្ថកិច្ចជំនាញបាននិងកំពុងធ្វើការស្រាវជ្រាវតាមរកក្រុមជនសង្ស័យដើម្បីយកមកចាត់ការតាមនីតិវិធី៕
