(បាត់ដំបង)ជនសង្ស័យចំនួន០៥នាក់ក្នុងចំណោមបក្សពួកប្រហែល១០នាក់ត្រូវបានកម្លាំងនៃអធិការដ្ឋាននគរបាលស្រុកថ្មគោល សហការជាមួយកម្លាំងនៃអធិការដ្ឋាននគរបាលក្រុងបាត់ដំបង ចុះធ្វើការបង្ក្រាបឃាត់ខ្លួន ក្រោយពួកគេប្រើប្រាស់កាំបិតកាប់ប្រហារទៅលើភាគីម្ខាងទៀតអោយរងរបួសម្នាក់និងខូចខាតម៉ូតូ០១គ្រឿង។
ប្រភពពីសមត្ថកិច្ចនគរបាលស្រុកថ្មគោល បានអោយដឹងថា ជនសង្ស័យត្រូវបានឃាត់ខ្លួន /ទី១.ឈ្មោះ ហម ពុំ ភេទប្រុស អាយុ ១៨ឆ្នាំ រស់នៅភូមិតាកុយ សង្កាត់ក្ដុលដូនទាវ ក្រុងបាត់ដំបង /ទី២.ឈ្មោះ ហាក់ ណុច ភេទប្រុស អាយុ១៧ឆ្នាំ រស់នៅភូមិចំការសំរោង២ សង្កាត់ចំការសំរោង ក្រុងបាត់ដំបង /ទី៣-ឈ្មោ: ពៅ មេសា ភេទប្រុសអាយុ១៧ឆ្នាំ រស់នៅភូមិចំការសំរោង២ សង្កាត់ចំការសំរោង ក្រុងបាត់ដំបង /ទី៤-ឈ្មោះ យ៉ាន រតនា ហៅ ណៃភេទប្រុស អាយុ១៨ឆ្នាំ រស់នៅភូមិចំការសំរោង២ សង្កាត់ចំការសំរោង ក្រុងបាត់ដំបង /ទី៥-ឈ្មោះ រិន ផារ៉េត ហៅ រ៉ាន់ ភេទប្រុស អាយុ១៧ឆ្នាំ រស់នៅភូមិកាប់គោថ្មី សង្កាត់អូរចារ ក្រុងបាត់ដំបង រួមជាមួយវត្ថុតាងកាំបិតចំនួន ២ដើមផងដែរ។
ក្រោយពីធ្វើការឃាត់ខ្លួនសាកសួរ ជនសង្ស័យបានឆ្លើយសារភាពថា ពួកខ្លួននិងបក្ខពួកមានគ្នាប្រហែល១០នាក់ពិតជាបានធ្វើសកម្មភាពដោយប្រើប្រាស់កាំបិត កាប់ទៅលើជនរងគ្រោះឈ្មោះ ហុីង សុីអៀង ភេទប្រុស អាយុ២៣ឆ្នាំ រស់នៅភូមិព្រៃដាច់ ឃុំអូរតាគី ស្រុកថ្មគោល ខេត្តបាត់ដំបង ពិតប្រាកដមែន។
បច្ចុប្បន្នជនសង្ស័យត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកថ្មគោលដើម្បីកសាងសំណុំរឿងចាត់ការតាមនីតិវិធី៕
