ខេត្តព្រះសីហនុ:មានហេតុការណ៍ភ្ញាក់ផ្អើលមួយបានកើតឡើងកាលពីវេលាម៉ោង៣ជាងទាបភ្លឺឈានចូលថ្ងៃទី២៩ខែសីហាឆ្នាំ២០២៣យប់មិញនេះនៅចំណុចមុខផ្សារទំនើប សេវេនណាញន៍ ក្បែរសាលាដុនបូស្កូ ស្ថិតក្នុងភូមិ៥ សង្កាត់៤ ក្រុងព្រះសីហនុ ។
យោងតាមប្រភពព័ត៌មានពីប្រជាពលរដ្ឋប្រាប់ថា មានយុវជនចំនួនមួយក្រុមបានបង្កការភ្ញាក់ផ្អើលសង្ស័យថាមានការប៉ុនប៉ងធ្វើសកម្មភាពអ្វីមួយដែលអាចប៉ះពាល់ដល់ប្រជាពលរដ្ឋស្ថិតក្នុងស្ថានភាពគួរឲ្យភ័យខ្លាច ទើបមានការផ្ដល់ដំណឹងជូនសមត្ថកិច្ចចុះជួយអន្តរាគមន៍ទាន់ពេលវេលា។
ពាក់ព័ន្ធករណីខាងលើនេះបើតាមលោក តី វិសាល អធិការនគរបាល ក្រុងព្រះសីហនុ បានឲ្យដឹងនៅព្រឹកថ្ងៃទី ២៩ ខែ សីហា ឆ្នាំ២០២៩នេះជា(បឋម)ថា បច្ចុប្បន្នយុវជនខាងលើកម្លាំងសមត្ថកិច្ចយើងកំពុងស្ថិតក្នុងការសាកសួរនៅឡើយ។
