បក្សពួកជនសង្ស័យ ២នាក់ គឺជាបក្សពួកចោរ ដែលនៅសេសសល់ពីការបាញ់សម្លាប់ កាលពី៤ខែមុន

ភ្នំពេញ ៖ ចាប់ខ្លួនជនសង្ស័យទាំង២នាក់នេះ បានធ្វើឡើងជាក់ស្ដែងកាលពី ថ្ងៃទី១៤ ខែសីហា ឆ្នាំ២០២៣ នៅចំណុចស្ថានីយ៍ប្រេងឥន្ធនៈ PTT តាមផ្លូវព្រៃ.ស ស្ថិតក្នុងភូមិប្រកា សង្កាត់ព្រៃស ខណ្ឌដង្កោ រាជធានីភ្នំពេញ។
ជនសង្ស័យចំនួន២នាក់ ត្រូវប្រជាពលរដ្ឋដេញតាមចាប់ខ្លួនបាន រួចនាំគ្នាវាយទាត់ធាក់ម្នាក់១ដៃ១ជើងយ៉ាងទ្រមខ្លួនតែម្ដង ខណៈពេលធ្វើសកម្មភាពលួចម៉ូតូសិស្សសាលាបានសម្រេច ហើយព្យាយាមជិះរត់គេចខ្លួន តែរត់មនរួច។ មិនត្រឹមតែប៉ុណ្ណោះ ជន២នាក់នេះ ត្រូវបានគេដឹងថា គឺជាបក្សពួករបស់ចោរ២នាក់ ដែលជាមុខសញ្ញាលួ.ចម៉ូតូ និងរថយន្តយ៉ាងសកម្មនៅក្នុងរាជធានីភ្នំពេញទៀតផង ហើយក៏ត្រូវកម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បា.ញ់ស្លា.ប់កាលពី៤ខែមុន ខណៈពេលដែលក្រុមនេះ បា.ញ់ត.ដៃ បណ្ដាលឲ្យនគរបាលម្នាក់រងរបួស និងត្រូវរថយន្តនគរបាលធ្លុះធ្លាយជាច្រើនកន្លែង។
ជនសង្ស័យទាំង២នាក់ ដែលត្រូវចាប់ខ្លួននោះ ពុំទាន់ស្គាល់ឈ្មោះនៅឡើយទេ ហើយកំពុងស្ថិតក្នុងការសួរនាំពីសំណាក់កម្លាំងនគរបាលប៉ុស្តិ៍ព្រៃ និងនគរបាលខណ្ឌដង្កោ។ ហើយជននេះ បានធ្វើសកម្មភាពកាច់.កម៉ូតូ១គ្រឿងម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ភ្នំពេញ1IY-7038 ជាកម្មសិទ្ធិរបស់យុវតីសិស្សសាលាម្នាក់។

នៅមុនពេលកើតហេតុ សិស្សនេះបានជិះម៉ូតូចូលទៅចាក់សាំងនៅស្ថានីយប្រេងឥន្ធនៈ PTT បន្ទាប់ពីចាក់សាំងរួច នាងបានចាក់សោ.កម៉ូតូ រួចដើរចូលទៅបន្ទប់ទឹក។ ខណៈពេលនោះ ជនសង្ស័យទាំង២នាក់បានជិះម៉ូតូ១គ្រឿងម៉ាកហុងដាប៊ីត ពណ៌ស ពាក់ស្លាកលេខ ភ្នំពេញ1KA-7701 ប្រដាប់ដោយកាបូបដាក់ឧបករណ៍កាច់សោ.ក រួចចូលទៅធ្វើសកម្មភាពកាច់សោ.កម៉ូតូរបស់សិស្សខាងលើបានសម្រេច។

ប្រភពដដែល ប្រាប់ឲ្យដឹងបន្តថា ពេលនោះក៏ត្រូវបានមិត្តភ័ក្ដិរបស់សិស្សសាលាដែលជាម្ចាស់ម៉ូតូ ឃើញទាន់ ក៏ដេញតាម និងស្រែកឆោឡោថា «ចោរៗ» បង្កឱ្យមានការភ្ញាក់ផ្អើល ទើបប្រជាពលរដ្ឋនៅទីនោះជួយឡោមព័ទ្ធ និងចាប់ខ្លួនបានភ្លាមៗទាំង២នាក់។ បន្ទាប់មក ក៏នាំគ្នាវា.យទាត់ធាក់ជនសង្ស័យម្នាក់១ដៃ១ជើងយ៉ាងទ្រមខ្លួនតែម្ដង រួចទើបប្រគល់ជូននគរបាលនាំយកទៅសាកសួរ។ ពេលនោះ ទើបដឹងថា ជន២នាក់នេះ គឺជាបក្សពួកចោ.រដែលនៅសេសសល់ពីការបា.ញ់សម្លា.ប់កាលពី៤ខែមុន។

សូមរម្លឹកផងដែរថា កាលពីវេលាម៉ោង១១និង២០នាទីព្រឹក ថ្ងៃទី១៨ ខែមេសា ឆ្នាំ២០២៣ នៅចំណុចយានដ្ឋាន «អេផ្លឹស ក្លឹបអ្នកជំនាញជួសជុលរថយន្តដ៏ល្អបំផុតនៅកម្ពុជា» ដែលមានទីតាំងស្ថិតនៅក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។មានហេតុការណ៍បា.ញ់ត.ដៃគ្នាដ៏ខ្លាំងក្លាមួយរវាងក្រុមចោ.រលួ.ចម៉ូតូ និងរថយន្ត ជាមួយកម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ។
ក្នុងពេលដែលកម្លាំងនគរបាលខាងលើ ចុះទៅបង្ក្រាបក្រុមចោ.រ១ក្រុម ដែលមានគ្នា២នាក់បានលួ.ចរថយន្តម៉ាកឆេវរ៉ូឡេត (Chevrolet) ពណ៌ខៀវ ពាក់ស្លាកលេខ ភ្នំពេញ2BM-8713 ពីក្នុងភូមិសាស្ត្រសង្កាត់ស្ទឹងមានជ័យទី២ ខណ្ឌមានជ័យ ទៅទុកប្ដូរពណ៌នៅយានដ្ឋាន ៕