ទំព័រដើម ទំព័រដើម រថយន្តស្តារិច​ របស់ក្រុមហ៊ុន​ បុរី​ ឡេង​ ណាវ៉ាត្រា​ បើកបុករបាំងថ្មពុះចែកទ្រូងផ្លូវ បាក់អស់មួយកង់ឯរថយន្តខ្ទេចមួយកំណាត់មុខ

រថយន្តស្តារិច​ របស់ក្រុមហ៊ុន​ បុរី​ ឡេង​ ណាវ៉ាត្រា​ បើកបុករបាំងថ្មពុះចែកទ្រូងផ្លូវ បាក់អស់មួយកង់ឯរថយន្តខ្ទេចមួយកំណាត់មុខ

- ពាណិជ្ជកម្ម -

​ភ្នំពេញ​ ៖​ រថយន្តស្តារិច​ មួយគ្រឿងដែលបិតឡូហ្គោ​ បុរី​ ឡេង​ ណាវ៉ាត្រា​ បានបើកបុករបាំងថ្មពុះចែកទ្រូងផ្លូវពេញទំហឹង​ បណ្ដាលឲ្យរបាំងថ្មបាក់អស់មួយកង់​ខ្ទាតមកកណ្តាលផ្លូវ រីឯរថយន្តបង្កបានខូចខាតផ្នែកខាងមុខយ៉ាងដំណំ​។

ហេតុការណ៍នេះបានកេីតឡេីងកាលពីវេលាម៉ោង១២​ និង១០នាទីរំលងអាធ្រាត្រ​ ឈឈានចូលថ្ងៃទី១៤​ ខែមករា​ ឆ្នាំ​២០២៣​ នៅត្រង់ចំណុចស្តុបប្រាសាទពេជ្រ តាមបណ្ដោយផ្លូវព្រះមុន្នីវង្ស​ កែងផ្លូវ១៨២​ ក្នុងសង្កាត់បឹងរាំង​ ខណ្ឌដូនពេញ​ រាជធានីភ្នំពេញ​។

​តាមប្រភពព័ត៌មានពីកន្លែងកេីតហេតុបានឲ្យដឹងថា​ មុនកើតហេតុគេឃេីញរថយន្តម៉ាក​ ស្តារិច​ ពណ៌ទឹកប្រាក់​ ពាក់ស្លាកលេខ​ កំពត​ 2B-5859 និងបិតឡូហ្គោ​ បុរី​ ឡេង​ ណាវ៉ាត្រា​ បានធ្វេីដំណេីរតាមបណ្ដោយផ្លូវព្រះមុន្នីវង្ស​ ទិសដៅពីត្បូងមកជេីងក្នុងល្បឿនលឿន​ ខណៈមកដល់ចំណុចកេីតហេតុស្រាប់តែរេចង្កូតបុករបាំងថ្មពុះចែកទ្រូងផ្លូវពេញទំហឹង​ បណ្ដាលឲ្យរថយន្តបង្កខ្ទេចចំហៀងពីមុខ​ទៅលេងរួច​ ចំណែករបាំងថ្មបានបាក់អស់មួយកង់ខ្ទាតមកកណ្ដាលផ្លូវម្ខាងទៀត​ សំណាងដែរមិនបង្កគ្រោះថ្នាក់ដល់មនុស្ស​។

ក្រោយកេីតហេតុ​ សមត្ថកិច្ចមូលដ្ឋានសហការជាមួយជំនាញចរាចរណ៍ចុះមកធ្វេីការវាស់វែងស្ទួចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក​ នៃស្នងការដ្ឋាននគរបាលរាជធានីភ្នំពេញ​ រងរង់ចាំធ្វើការដោះស្រាយតាមច្បាប់ ៕

- ពាណិជ្ជកម្ម -
ទទួលផ្សាយពាណិជ្ជកម្ម