ទំព័រដើម ទំព័រដើម កម្លាំងជំនាញការិយាល័យព្រហ្មទ័ណ្ឌកម្រិតស្រាលនៃស្នងការដ្ឋាននគរបាលខេត្តចុះឡោមព័ទ្ធទីតាំងសៃវៀនប្រជល់មាន់ក្នុងចំការមួយកន្លែង  ឃាត់ខ្លួនអ្នកញៀនល្បែងបាន៤នាក់និងម៉ូតូចំនួន៨គ្រឿង

កម្លាំងជំនាញការិយាល័យព្រហ្មទ័ណ្ឌកម្រិតស្រាលនៃស្នងការដ្ឋាននគរបាលខេត្តចុះឡោមព័ទ្ធទីតាំងសៃវៀនប្រជល់មាន់ក្នុងចំការមួយកន្លែង  ឃាត់ខ្លួនអ្នកញៀនល្បែងបាន៤នាក់និងម៉ូតូចំនួន៨គ្រឿង

- ពាណិជ្ជកម្ម -

ខេត្តរតនគិរី៖  ដើម្បី​គោរពនិងអនុវត្តតាមគោលនយោបាយរបស់រាជរដ្ឋាភិបាល​ជាប្រមុខថ្នាក់ដឹកនាំផ្ទាល់  ដែលមានសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា​និងទទួលបទបញ្ជាយ៉ាងមុឺងម៉ាត់ពីឧត្តមសេនីយ៍ត្រី ស្នងការ  និងចង្អុលបង្ហាញណែនាំពីលោកស្នងការរងទទួលផែនព្រហ្មទ័ណ្ឌ    លោកនាយការិយាល័យព្រហ្មទ័ណ្ឌកំរិតស្រាល និងដោយមានការសម្របសម្រួលពីលោក លាងអ៊ូ ព្រះរាជអាជ្ញារងនៃអយ្យការអមសាលាតំបូងខេត្តរតនគិរី ផងនោះកងកម្លាំងនគរបាលរបស់ការិយាល័យព្រហ្មទ័ណ្ឌកំរិតស្រាល នៃស្នងការដ្ឋាននគរបាលខេត្តរតនគិរី  បានចុះឡោមព័ទ្ធនិងបង្ក្រាបទីតាំងល្បែងសុីសង(សៃវៀនប្រជល់មាន់និងអាប៉ោង ដែលលួចលាក់លេងភ្នាល់គ្នា បង្កប់នៅក្នុងចំការស្វាយចន្ទីមួយកន្លែងស្ថិតនៅក្នុងភូមិសាស្ត្រភូមិថ្មី ឃុំសេរីមង្គល ស្រុកកូនមុំ​ខេត្តរតនគិរី។ ក្នុងការចុះឡោមព័ទ្ធនិងបង្ក្រាបករណីបើកវង់ល្បែងសុីសងនាខណះនោះ គេឃើញសមត្ថកិច្ចឃាត់ខ្លួនបានអ្នកញៀនល្បែងចំនួន៤នាក់ និងវត្ថុតាងមួយចំនួនធំ រួមមាន:
១.ឈ្មោះ  ជ័យ សឿនមករា ភេទប្រុសអាយុ៤២ឆ្នាំ​សញ្ជាតិខ្មែរ  មុខរបរមិនពិតប្រាកដ មានទីលមនៅភូមិ3ឃុំត្រពាំងច្រេសស្រុកកូនមុំខេត្តរតនគិរី។​
២.ឈ្មោះ ណុម រ៉េម ភេទប្រុស អាយុ ៤២ឆ្នាំ  សញ្ជាតិខ្មែរ មុខរបរលក់ដូរ មានទីលំនៅភូមិ១ ឃុំ ត្រពាំងច្រេស ស្រុកកូនមុំខេត្តរតនគិរី។​
៣.ឈ្មោះ រស់ ចាន់ធឿន ភេទប្រុស អាយុ៤៩ឆ្នាំ សញ្ជាតិខ្មែរ មុខរបរកសិករ ទីលំនៅភូមិ3 ឃុំត្រពាំងច្រេស ស្រុកកូនមុំ​។   និង
៤.ឈ្មោះ នាងប៊ុន ភេទប្រុស អាយុ ៥៦​ឆ្នាំ
សញ្ជាតិ​ខ្មែរ   មុខរបរ កសិករ ទីលំនៅភូមិថ្មី ឃុំសេរីមង្គល ស្រុកកូនមុំ ខេត្តរតនគិរី។
តាមរបាយការណ៍របស់សមត្ថកិច្ចដែលចុះបង្ក្រាបបានឲ្យដឹងថា
វត្ថុតាងដែលបន្សល់ទុកនៅកន្លែងកើតហេតុ បន្ទាប់ពីអ្នកញៀនល្បែងសុីសងនាំគ្នារត់គេចបាតជើងសព្រាត​រួចមកនោះរួមមាន៖
.ម៉ូតូចំនួន៨គ្រឿង
.ចានអាប៉ោង+កំរប
.គ្រាប់អាប៉ោង+កាធុនទ្រចាន
.ហាន់តោ១
.បង់រុំជើងមាន់
.កន្ទេល១​ជញ្ជីងថ្លឹងមាន់
.ទ្រុងក្រុងមាន់១
.ឬស្សីសំរាប់រុំសៃវៀន
.កន្ត្រក់ដាក់មាន់ និង
.ស្បែកជើងជាច្រើនគូរ។​
មនុស្សចំនួន៤នាក់និងវត្ថុតាងត្រូវបានកម្លាំងសមត្ថកិច្ចជំនាញនាំមករក្សាទុកនៅការិយាល័យព្រហ្មទ័ណ្ឌកំរិតស្រាលរបស់ស្នងការដ្ឋាននគរបាលខេត្តរតនគិរី ដើម្បីកសាងសំណុំបែបបទបញ្ជូនទៅអយ្យការអមសាលាតំបូងខេត្តបន្តតាមនិតិវិធីច្បាប់។​ ដោយលោកមុី ឌីន

- ពាណិជ្ជកម្ម -
ទទួលផ្សាយពាណិជ្ជកម្ម