ទំព័រដើម ទំព័រដើម ជនបរទេសចំនួន៦នាក់ ត្រូវបានសមត្ថកិច្ចបង្ក្រាប ពីបទបង្ខាំងមនុស្សខុសច្បាប់ដើម្បីជំរិតទាប្រាក់

ជនបរទេសចំនួន៦នាក់ ត្រូវបានសមត្ថកិច្ចបង្ក្រាប ពីបទបង្ខាំងមនុស្សខុសច្បាប់ដើម្បីជំរិតទាប្រាក់

- ពាណិជ្ជកម្ម -

 

 

កោះកុង÷អធិការដ្ឋាននគរបាលក្រុងខេមរៈភូមិន្ទ ក្រោមការចង្អុល បង្ហាញរបស់លោកឧត្តមសេនីយ៍ទោស្នងការនគរបាលខេត្តកោះ កុង លោកវរសេនីយ៍ឯក យស់ ចាន់វិចិត្រ អធិការ នៃអធិការដ្ឋាននគរ បាលក្រុងខេមរភូមិន្ទ ដឹកនាំកម្លាំងអន្តរាគមន៍ក្រុង សហការជាមួយកម្លាំងអន្តរាគមន៍នៃស្នង ការដ្ឋានគរបាលខេត្ត ដោយមានការសម្របសម្រួលដោយលោក អេង ចាន់ភារ៉ា ព្រះរាជអាជ្ញារងនៃអយ្យការអមសាលាដំបូងខេត្ត កោះកុង នៅថ្ងៃទី១១ ខែវិច្ឆិកា ឆ្នាំ ២០២២ វេលាម៉ោង ២១:០០នាទី បានចុះបង្ក្រាបបទល្មើសជាក់ ស្តែងករណីបង្ខាំងមនុស្សខុស ច្បាប់ និងជម្រិតទាប្រាក់ តាមពាក្យបណ្តឹងរបស់ឈ្មោះ Ong Tun Chyian ភេទប្រុស អាយុ ៣៩ឆ្នាំ ជនជាតិម៉ាឡេស៊ី បានប្តឹងមកសមត្ថកិច្ចថាមានករណីបង្ខាំងប្រពន្ធរបស់ខ្លួនដែលមានឈ្មោះ លីលី ពីង (LEE LEE PING) ភេទស្រី អាយុ ៣៥ឆ្នាំ ជនជាតិម៉ាឡេស៊ី ដោយជនជាតិចិន និងជនជាតិម៉ាឡេស៊ីបានបង្ខាំងប្រពន្ធរបស់ខ្លួនតាំងពីថ្ងៃទី៣១ ខែតុលា ឆ្នាំ២០២២ និងគម្រាមទាប្រាក់ចំនួនមួយម៉ឺនប្រាំពាន់ដុល្លា(១៥,០០០$) ។

លោកអធិការបានឱ្យដឹងថា ក្រោយពីបានទទួលពាក្យបណ្តឹងភ្លាមសមត្ថកិច្ចបានចុះបង្រ្កាប និងធ្វើការឃាត់ខ្លួនជនសង្ស័យចំនួន០៦នាក់ នៅចំនុចផ្ទះជួលមួយកន្លែងស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ។
ជនសង្ស័យទាំង០៦នាក់ រួមមាន:
១/ឈ្មោះ Deng Chentao ភេទប្រុស អាយុ៣០ឆ្នាំ ជនជាតិចិន
២/ឈ្មោះ Yoo Shu Xin ភេទស្រី អាយុ២៧ឆ្នាំ សញ្ជាតិម៉ាឡេស៊ី
៣/ឈ្មោះ Lim Mun Hong ភេទប្រុស អាយុ២០ឆ្នាំ សញ្ជាតិម៉ាឡេស៊ី
៤/ឈ្មោះ Zhang Manning ភេទស្រី អាយុ២៩ឆ្នាំ សញ្ជាតិចិន
៥/ឈ្មោះ Luo Liangliang ភេទប្រុស អាយុ២៨ឆ្នាំ សញ្ជាតិចិន
៦/ឈ្មោះ Huang Shikun ភេទប្រុស អាយុ២៤ឆ្នាំ សញ្ជាតិចិន ។
ជនសង្ស័យទាំង០៦នាក់ខាងលើត្រូវបានផ្នែកគ្រប់គ្រងជនបរទេសក្រុង និងផ្នែកនគរបាលយុត្តិធម៌ក្រុង កសាងសំណុំរឿងបញ្ជូនទៅការិយាល័យជំនាញដើម្បីអនុវត្តនីតិវិធីបន្ត ។
ដោយឡែកជនរងគ្រោះឈ្មោះ លីលី ពីង(LEE LEE PING)ភេទស្រី បានប្រគល់អោយការិយាល័យស៊ើបអង្កេត និងអនុវត្តនីតិវិធី ដើម្បីសាកសួរបំភ្លឺ ។

គួរបញ្ជាក់ផងដែរថា នេះជាលើកទីមួយហើយ ករណីចាប់បង្ខាំងមនុស្ស ជម្រិតទាប្រាក់ ហើយបច្ចុប្បន្ននេះ សមត្ថកិច្ចបាន កំពង់ធ្វើការស្រាវជ្រាវបន្ត៕ ដោយ ញុឹប សន

- ពាណិជ្ជកម្ម -
ទទួលផ្សាយពាណិជ្ជកម្ម