More

    អាវុធហត្ថឃាត់ខ្លួនជនសង្ស័យ០៤នាក់ ពាក់ព័ន្ធករណីជួញដូរថ្នាំញៀន

    spot_img

     

    ខេត្តបាត់ដំបង៖ កងរាជអាវុធហត្ថខេត្តបាត់ដំបងឃាត់ខ្លួនជនសង្ស័យចំនួន៤នាក់ ពាក់ព័ន្ធបទល្មើសគ្រឿងញៀនការឃាត់ខ្លួននេះធ្វើឡើង កាលពីវេលា ម៉ោង១២និង០០នាទី ថ្ងៃទី២៤ ខែ កក្កដា ឆ្នាំ ២០២២ នៅចំណុចភូមិអូរខ្ចាយ សង្កាត់ព្រែកព្រះស្ដេច ក្រុងបាត់ដំបង ។

    ក្នុងប្រតិបត្តិការនេះដែរ ក្នុងបទល្មើសជាក់ស្តែងសមត្ថកិច្ចអាវុធហត្ថបានធ្វើការចាប់ខ្លួនជនសង្ស័យចំនួន០៤នាក់រួមមាន៖
    ទី១-ឈ្មោះ សុភ័ក្រ សុភ័ណ្ឌ ភេទប្រុស អាយុ៣០ឆ្នាំ មុខរបរធ្វើស្រែ រស់នៅភូមិសំរោង ឃុំធិបតី ស្រុកគាស់ក្រឡ ខេត្តបាត់ដំបង /ទី២-ឈ្មោះ ហឺង ចន្រ្ទា ភេទប្រុស អាយុ៣២ឆ្នាំ មុខរបរគ្មាន រស់នៅភូមិបោះពួយ ឃុំរបស់មង្គល ស្រុកមោងឬស្សី ខេត្តបាត់ដំបង /ទី៣-ឈ្មោះ សួន ធារិទ្ឋ ភេទប្រុស អាយុ១៨ឆ្នាំ មុខរបរធ្វើស្រែ រស់នៅភូមិដំណាក់កកោះ ឃុំគាស់ក្រឡ ស្រុកគាស់ក្រឡ ខេត្តបាត់ដំបង /ទី៤-ឈ្មោះ ស៊ើង គារី ភេទប្រុស អាយុ១៩ឆ្នាំ មុខរបរគ្មាន រស់នៅភូមិដំណាក់កកោះ ឃុំគាស់ក្រឡ ស្រុកគាស់ក្រឡ ខេត្តបាត់ដំបង ។

    វត្ថុតាងចាប់យកបានរួមមាន!
    -គ្រឿងញៀនម៉ាទឹកកកចំនួន ០១កញ្ចប់ធំ ទម្ងន់ ១០៣,១៨ ក្រាម
    -ទូរស័ព្ទដៃចំនួន ០៥គ្រឿង
    -ម៉ូតូចំនួន០១គ្រឿង -រថយន្តចំនួន០១គ្រឿង -បំពង់ជ័រសម្រាប់រំលែកគ្រឿងញៀន០២បំពង់ និងថង់សម្រាប់វេចខ្ចប់គ្រឿងញៀនមួយចំនួន ។

    ក្រោយពីឃាត់ខ្លួនជនសង្ស័យនិងវត្ថុតាងរហូតមកដល់ពេលនេះត្រូវបានកម្លាំងមន្ទីរស្រាវជ្រាវ និងបង្រ្កាបបទល្មើស កំពុងរៀបចំសំណុំរឿងដើម្បីចាត់ការបន្ដតាមនីតិវិធី៕ដោយ ភ្នំខៀវ

    spot_img
    spot_img

    អត្ថបទទាក់ទង

    Leave a Reply

    spot_img