ភ្នំពេញ៖ ក្រោយពីសារព័ត៌មានក្នុងស្រុកបានចុះផ្សាយថាមានទីតាំងបើក កាស៊ីណូ មួយកន្លែងខាងក្នុងមានកាសុីណូ ចំនួន៣តុ ផ្ទះអត់លេខ ផ្លូវលេខ ១១៣ ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ នៅវេលាម៉ោង១០ព្រឹក ថ្ងៃទី១៧ ខែកក្កដា ឆ្នាំ២០២២នេះកម្លាំងសមត្ថកិច្ចបានធ្វេីការចុះបង្ក្រាបហេីយនិងបិទមិនឲ្យដំណេីរការទៀតទេ។
ទីតាំងខាងលេីកន្លងមកបានដាក់ស្លាកយីហោ បន្ទប់ប៊ីយែអាកាសយានដ្ឋាន ក្រោយមក ក៏បានដោះស្លាកយីហោចេញបច្ចុប្បន្នមានតែស្លាកយីហោមួយបុណ្ណោះដោយមិនមានសរសេរអ្វីនោះទេ។
ទីតាំងខាងលេីបើកសម្រាប់តែជនជាតិចិនចូលលេង ហើយសន្តិសុខ២នាក់ អង្គុយយាមនៅខាងមុខជៀសវាងមានខ្មែរចូល ខ្លាចបែកការណ៍ ។
ក្រោយពីសារព័ត៌មានក្នុងស្រុកបានចុះផ្សាយថាទីតាំងខាងបេីកល្បែងស៊ីសង ជាប្រភេទកាស៊ីណូ របស់ជនជាតិចិន នៅព្រឹកថ្ងៃទី១៧ ខែកក្កដា ឆ្នាំ២០២២នេះ លោកម៉ន វុធី អធិការនគរបាលខណ្ឌពោធិ៍សែនជ័យបញ្ជា ឲ្យកម្លាំងប៉ុស្តិ៍នគរនបាលរដ្ឋបាលចោមចៅទី៣ ចុះបង្ក្រាបជាក់ស្តែង ដោយមិនមានឃេីញអ្វីនោះទេ ។
បច្ចុប្បន្នទីតាំងខាងលេីត្រូវបានបិទទ្វាជាបណ្តោះអាសន្ន៕ដោយ កុសល់
