More

    ផ្ទុះអាវុធ១គ្រាប់ ស្លាប់បុរសម្នាក់ នៅរង្វង់មូលតោ២ ក្រុងព្រះសីហនុ ពេលនេះជនដៃដល់ និងបក្ខពួកត្រូវបានឃាត់ខ្លួនហើយ

    spot_img

    ផ្ទុះអាវុធ១គ្រាប់ ស្លាប់បុរសម្នាក់ នៅរង្វង់មូលតោ២ ក្រុងព្រះសីហនុ ពេលនេះជនដៃដល់ និងបក្ខពួកត្រូវបានឃាត់ខ្លួនហើយ

     

    (ព្រះសីហនុ)៖ នៅ ១២និង៣០នាទីយប់រំលងអាធ្រាត្រ ឈានចូលថ្ងៃទី១ ខែឧសភា ឆ្នាំ២០២២នេះ សេចក្តីរាយការណ៍បឋម របស់ស្នងការដ្ឋាននគរបាលខេត្តព្រះសីហនុបានឲ្យដឹងថា មានករណីផ្ទះអាវុធមួយគ្រាប់ បណ្តាលឲ្យបុរសជនជាតិខ្មែរម្នាក់ ដេកស្លាប់ក្នុងថ្លុកឈាម នៅចំណុចរង្វង់មូលតោ២ ក្នុងភូមិ៤ សង្កាត់៤ ក្រុងព្រះសីហនុ។

    ភ្លាមៗបន្ទាប់ពីកើតហេតុនោះកម្លាំងជំនាញ នៃស្នងការដ្ឋាននគរបាលខេត្តព្រះសីហនុ បានសហការជាកម្លាំងអធិការដ្ឋាននគរបាលក្រុងព្រះសីហនុ ចុះទៅដល់កន្លែងកើតហេតុ ដើម្បីធ្វើការស្រាវជ្រាវ រហូតនៅវេលាម៉ោង ០១៖៤០នាទីរំលងអាធ្រាត្រ ថ្ងៃដដែល កម្លាំងជំនាញកំណត់បានអត្តសញ្ញាណរបស់ជនសង្ស័យ និងឈានដល់ការឃាត់ខ្លួនបានជនសង្ស័យម្នាក់ ឈ្មោះ ជិន រដ្ឋា ភេទប្រុស អាយុ៣០ឆ្នាំ។ ចំពោះជនសង្ស័យម្នាក់ទៀត ជាជនដៃដល់បាញ់សម្លាប់ជនរងគ្រោះមានឈ្មោះ អំ ឆេកូ បានរត់គេចខ្លួន។ ប៉ុន្តែលុះដល់វេលាម៉ោង៥ទៀបភ្លឺ ទើបចាប់ខ្លួនជនសង្ស័យបានម្នាក់ទៀត។

    សពជនរងគ្រោះបានពិនិត្យ តាមជំនាញបច្ចេកទេស និងយករក្សាទុកនៅមន្ទីរពេទ្យបង្អែកខេត្តព្រះសីហនុ រង់ចាំប្រគល់ជូនគ្រួសារសព៕ដោយ វាន់នី

    spot_img

    អត្ថបទទាក់ទង

    spot_img