(បាត់ដំបង)កម្លាំងការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបាត់ដំបង បានបង្ក្រាបឃាត់ខ្លួនអ្នកលេងភ្នាល់ទឹក ភ្លៀងចំនួន ១៦នាក់ បញ្ជូនទៅតុលាការ ដើម្បីចាត់ការតាមនីតិវិធី។
លោក វរសេនីយ៍ឯក ឈឿង គឹមសុង នាយការិយាល័យនគរបាល ព្រហ្មទណ្ឌ កម្រិត ស្រាលបានអោយដឹងថា ដោយអនុវត្ត តាម បទបញ្ជា របស់លោកឧត្ដម សេនីយ៍ ទោ សាត គឹមសាន ស្នងការ នគរបាលខេត្តបាត់ដំបង រួមនឹងយោបល់ លោក វរ សេ នី យ៍ឯក លឹម ពុទ្ធីឡា ស្នងការរងផែនការងារ ន គរបាល ព្រហ្មទណ្ឌ និង ដោយបានការ សម្របសម្រួល លេី នីតិវិធី ពីលោក កែវ សុជាតិ ព្រះរាជអាជ្ញានៃ អយ្យការ អមសាលា ដំបូង ខេត្ត បាត់ដំបងផងនោះ កាលពីថ្ងៃទី ១៦ ខែ មី នា ឆ្នាំ ២០២២ លោក បាន ដឹកនាំ កម្លាំង ការិយាល័យ ជំនាញ រួមជាមួយកម្លាំងក្រុមអន្តរាគមន៍បង្ការ បង្ក្រាប ចុះប្រតិបត្តិការបង្ក្រាប ករណីល្បែងស៊ីសង ( ភ្នាល់ ទឹក ភ្លៀង ) ចំនួន ០២ ទីតាំង ផ្សេងគ្នា នៅ ក្នុង ក្រុងបាត់ ដំបង ។
ជាមួយកិច្ចប្រតិបត្តិការនេះដែរទីតាំង ទី១ ធ្វើឡើងនៅ ក្នុង មូលដ្ឋានភូមិ ព្រៃកូនសេក សង្កាត់ អូរចារ ក្រុង បាត់ដំបង ដោយនាំខ្លួន មនុស្ស ចំនួន ០៧ នាក់ និងទីតាំង ទី២ ស្ថិតនៅ ក្នុង ភូមិ រំចេក៤ សង្កាត់ រតនៈ ក្រុងបាត់ដំបង ដោយនាំខ្លួន មនុស្ស ចំនួន ០៩ នាក់ រួមជាមួយវត្ថុតាងសរុបមាន ៖
– វិទ្យុ ទាក់ទង ចំនួន ០៦ គ្រឿង
– ទូរសព្ទ័ ដៃ ចំនួន ២៥ គ្រឿង
– រថយន្ត ចំនួន ០៤ គ្រឿង
– ម៉ូតូ ចំនួន ០៨ គ្រឿង
– ម៉ូតូ កង់ បី ឥណ្ឌា ចំនួន ០១ គ្រឿង
និងកង់ ចំនួន ០១ គ្រឿង ។
លោកនាយការិយាល័យដដែលបានបញ្ជាក់ថា នៅពេលលេចឮនូវករណីអ្នក ញៀនល្បែងទឹកភ្លៀង មានសកម្មភាពលេងនោះ លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរ បាលខេត្តបា ត់ ដំបង បានដាក់ បទបញ្ជាដល់ផែនជំនាញរួមទាំងអធិការនគរបា លក្រុង បាត់ដំបងធ្វេីការស្រាវជ្រាវ ដែលក្នុង នោះ អ្នកលេងមិនបានប្រមូលផ្តុំគ្នានៅ ចំណុចពី មុននោះទេ គឺគាត់បានបំប្លែង រូបភាពទៅកាន់ទី តាំងផ្សេងៗដែលស្ថិតនៅឆ្ងាយពីទី ប្រជុំជន ហេីយបែងចែករូបភាពតូចៗ ហើយនៅទីបំផុតក្នងថ្ងៃទី១៦ ខែ មីនា ឆ្នាំ ២០២២ ជាថ្ងៃដែលផ្ទៃមេឃមានសភា ព អួរអាប់ខ្លាំងក្នុងក្រុងបាត់ដំបង អ្នក លេងទឹកភ្លៀងក៏ផ្តេីមបង្ហាញតម្រុយ នៅ មូលដ្ឋានខាងលេី ហេីយសមត្ថកិច្ចក៏ប្រម៉ាញ់តាមចាប់ បាន នៅលេីគោលដៅពីរទីតាំងផ្សេងគ្នាតែម្តង។
សមត្ថកិច្ចបានឱ្យដឹងថា អ្នកលេងគេបាន ប្តូរយុទ្ធវិធីគ្មានមេ គ្មានកូនអ្វីទេ ឱ្យតែណាត់គ្នាត្រូវគេផ្តេីម ភ្នាល់តែម្តង ពិសេសនៅពេលដែលស្ថានភាព មេឃចង់ ភ្លៀង ជាក់ស្តែងនៅក្នុងករណីខាងលេីនេះ អ្នកលេងគេបានណាត់គ្នា យកសំយាបបង្គន់អនាម័ យ សាធារណៈមួយនៅចំណតរថយន្តផ្សារបឹងឈូកធ្វេីជាទីតាំងភ្នាល់ នៅ ពេលណាដំណក់ទឹក ភ្លៀងស្រក់ចុះពីសំយាប នោះដល់ដីគេយកជាបានការក្នុងការភ្នាល់។
ហើយរហូតមកដល់ពេលនេះអ្នកលេងល្បែងភ្នាល់ទឹកភ្លៀងទាំង១ ៦នាក់និងវត្ថុតាងផង នោះ ត្រូវបានការិយាល័យ ជំនាញ បានកសាងសំណុំរឿបញ្ជូន ទៅ សាលាដំបូង ខេត្ត បាត់ ដំបង ចាត់ការ បន្តតាមនីតិវិធីច្បាប់ហេីយ ៕ដោយ ភ្នំខៀវ
