ខេត្តព្រះសីហនុ÷(ព័ត៌មានបន្ថែម)ផ្ទុះអាវុធជាច្រើនគ្រាប់បង្កការភ្ញាក់ផ្អើលកាលពីវេលាម៉ោង០៧:៣០នាទីយប់ ថ្ងៃសុក្រ ទី១០ ខែកញ្ញា ឆ្នាំ២០២១នៅចំណុចសណ្ឋាគារស៊ីហាវ យ៉ិងហ៊ួយ ស្ថិតក្នុងក្រុមទី១៣ ភូមិ៤ សង្កាត់លេខ៤ ក្រុងព្រះសីហនុ /ខេត្តព្រះសីហនុ។
យោងតាមប្រភពព័ត៌មាននៅជុំវិញកន្លែងកើតហេតុបានប្រាប់ឲ្យបណ្ដាយសារព័ត៌មានFKnewsដឹងថាមុនពេលកើតហេតុប្រទះឃើញរថយន្តម៉ាកអូឌីពណ៌សមិនចាំផ្លាកលេខបើកបរដោយបុរសជនជាតិចិនបទចូលនៅក្នុងសណ្ឋាគារស៊ីហាវ យ៉ិងហ៊ួយហើយក៏ស្មានថាជាភាវភ្លាមភ្លាមនោះមានកម្លាំងសមត្ថកិច្ចស៊ីវិលមកដល់ហើយក៏ស្រាប់តែផ្ទុះអាវុធផ្ទួនផ្ទួនគ្នាតែម្ដងទៅដោយមិនទាន់ដឹងពីមូលហេតុអ្វីនោះទេ។ក្រោយពេលកើតហេតុ លោក សៀង សុខ ព្រះរាជអាជ្ញានៃអយ្យការអមសាលាដំបូងខេត្តព្រះសីហនុបានដឹកនាំកម្លាំងចម្រុះក្នុងនោះក៏មានវត្តមានមេបញ្ជាការកងរាជអាវុធហត្ថខេត្តនិងកម្លាំងស្នងការដ្ឋាននគរបាលខេត្តនិងអធិការក្រុងបានរួមគ្នាចុះឡោមព័ទ្ធបង្រ្កាបទីតាំងសណ្ឋាគារស៊ីហាវ យ៉ិងហ៊ួយ និងបានឃាត់ខ្លួនជនសង្ស័យដែលជាជនជាតិចិន១៤នាក់ដកហូតបានកាំ ភ្លើងវែងខ្លីចំនួន៧ដើមទើបដឹងថាពាក់ព័ន្ធករណីចាប់ជំរិតនិងប្រើប្រាស់អាវុធខុសច្បាប់
នៅក្នុងខេត្តព្រះសីហនុ។
គួរបញ្ជាក់ផងដែរថាក្នុងប្រតិបត្តិការបង្រ្កាបខាងលើនេះ សមត្ថកិច្ចជំនាញ បានរំដោះជនរងគ្រោះ ចំនួន ០១នាក់ ភេទប្រុស (ជនជាតិចិន) និងឃាត់ខ្លួនជនសង្ស័យប្រុស ស្រី ចំនួន ១៤នាក់ (ស្រី០១នាក់) ។
+ចាប់យកវត្ថុតាងរួមមាន៖
១/ អាវុធវែង ចំនួន ០១ដើម ម៉ាក AK47 ពណ៌ខ្មៅ, បង់ ចំនួន០២ , គ្រាប់ ចំនួន ៦៥គ្រាប់
២/ អាវុធវែង ចំនួន ០១ដើម ម៉ាក M4 ពណ៌ខ្មៅ, បង់ ចំនួន០១, គ្រាប់ ចំនួន ៣០គ្រាប់
៣/ អាវុធខ្លី ចំនួន ០២ដើម ម៉ាក K54 ពណ៌ខ្មៅ, បង់ចំនួន ០២
៤/ អាវុធខ្លី ចំនួន ០១ដើម ម៉ាក K59 ពណ៌ខ្មៅ បង់ ចំនួន ០១
៥/ អាវុធខ្លី ចំនួន ០១ដើម ម៉ាក CF98 ពណ៌ខ្មៅ, បង់ ចំនួន ០១
៦/ អាវុធខ្លី ចំនួន ០១ដើម ម៉ាក RoLo ពណ៌ស, គ្រាប់ ចំនួន ០៤គ្រាប់
៧/ គ្រាប់អាវុធខ្លីចម្រុះមួយចំនួន
៨/ រថយន្ត ចំនួន ០១គ្រឿង ម៉ាក TOYOTA ALPHARD ពណ៌ខ្មៅ ពាក់ស្លាកលេខ ភ្នំពេញ 2P-0199
បច្ចុប្បន្ន កម្លាំងការិយាល័យជំនាញ បាន
បញ្ជូនជនសង្ស័យ រួមនឹងវត្ថុតាង មកកាន់បញ្ជាការដ្ឋានកងរាជអាវុធហត្ថខេត្តព្រះសីហនុ ដើម្បីចាត់ការបន្តនីតិវិធី។ដោយ វ៉ាន នី