ព្រះសីហនុ៖ អាជ្ញាធរមានសមត្ថកិច្ច បានឲ្យដឹងថា មានករណីលង់ទឹកមួយ បានកើតឡើងនៅថ្ងៃទី០៣ ខែសីហាឆ្នាំ២០២១ វេលាម៉ោងជាង ៤ល្ងាច នៅចំណុចឆ្នេរអូរត្រេះ១ ឋិតក្នុងសង្កាត់លេខ៤ ក្រុងព្រះសីហនុ។
ករណីលង់ទឹកនេះគឺជា ភ្ញៀវទេសចរជនជាតិខ្មែរមកពីរាជធានីភ្នំពេញលេងទឹកសមុទ្រ មានគ្នាចំនួន៤នាក់ ដោយទឹករលកបោកបក់ខ្លាំង បានបាត់ខ្លួន ១នាក់។
ជនរងគ្រោះ មានឈ្មោះជូ ជាគុយ ភេទប្រុស អាយុ២៩ ឆ្នាំ ជនជាតិខ្មែរ មានមុខរបរជាមេធាវី ទីលំនៅរាជធានីភ្នំពេញបានមកក្រុងព្រះសីហនុក្នុងបេសកកម្មការងារ និងទេសចរណ៍។
បច្ចុប្បន្នកម្លាំងនគរបាល និងប្រជាពរដ្ឋបានកំពុងស្វែងរក ដោយប្រើប្រាស់ម៉ូតូទឹកចំនួន៣គ្រឿង បានស្វែងរកក៏ប៉ុន្តែមិនទាន់រកឃើញ ជនរងគ្រោះនៅឡើយទេ ហើយនៅថ្ងៃស្អែកនេះកម្លាំងសមត្ថកិច្ចនិងអាជ្ញាធរខេត្តបន្តស្វែងរកជនរងគ្រោះបន្តទៀតដែរ៕ដោយ វាន់នី