More

    វាយនឹងផ្ទុះអាវុធមួយគ្រាប់ទៅលើយុវជនប្រុសស្រី៣នាក់សង្ស័យប្លន់យកម៉ូតូមួយគ្រឿងមិនបានសម្រេច នៅខណ្ឌដូនពេញ

    spot_img

    ភ្នំពេញ: ជនសង្ស័យមួយក្រុម ជិះម៉ូតូជាច្រើនគ្រឿង បានជិះដេញស្ទាក់ម៉ូតូមួយគ្រឿងជិះដោយយុវជនប្រុសស្រីចំនួន ៣ នាក់ ដកខ្សែក្រវាត់វាយបណ្ដាលឲ្យរបួសយុវជនពីរនាក់រួចដកកាំភ្លើងបាញ់គំរាម១គ្រាប់សង្ស័យប៉ងប្លន់យកម៉ូតូមិនបានសម្រេច បង្កឲ្យការផ្អើល កាលពីវេលាម៉ោង២ និង៣០ នាទីយប់រំលងអាធ្រាត្រឈានចូលថ្ងៃទី០៧ ខែមិថុនាឆ្នាំ ២០២១ នៅចំណុចមុខច្រកចូលមន្ទីរពេទ្យកាល់ម៉ែត្រ ជំហៀងខាងជើង តាមផ្លូវលេខ៨០ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

    តាមប្រភពពីប្រជាពលរដ្ឋឃើញហេតុការណ៍នេះបានប្រាប់ឲ្យដឹងថាមុនកើតហេតុគេឃើញមានរថយន្តស៊េរីទំនើបម៉ាកអូរឌី មួយគ្រឿង និងម៉ូតូម៉ាកស្កុបពីពណ៌ខ្មៅមួយគ្រឿងគ្មានស្លាកលេខ ជិះដោយយុវជនប្រុសស្រីចំនួន ៣ នាក់(ស្រីម្នាក់) ដោយធ្វើដំណើរទិសដៅពីកើតទៅលិច ដោយរថយន្តធ្វើដំណើរនៅមុខ លុះមកដល់ចំណុចកើតហេតុខាងលើស្រាប់តែលេចមុខជនសង្ស័យមួយក្រុមមានគ្នាចំនួន៥ នាក់ជិះម៉ូតូចំនួន ៤គ្រឿង ម៉ាកឌ្រីមសង់ចំនួន២ គ្រឿងម៉ាកហុងដាស្កុបពី១គ្រឿងនិងម៉ូតូធំម៉ាកXRមួយគ្រឿងធ្វើដំណើរមកពីក្រោយ។ ប្រភពដដែលបានបន្តទៀតថាភ្លាមនោះជនសង្ស័យដែរជិះម៉ូតូធំបានមកស្ទាក់ពីមុខម៉ូតូជនរងគ្រោះ រួចដកខ្សែក្រវ៉ាត់វាយទៅលើជនរងគ្រោះបណ្ដាលឲ្យរងរបួសយុវជន២នាក់ រួចដកកាំភ្លើងបាញ់គំរាម១ គ្រាប់ឡើងលើ ធ្វើឲ្យជនរងគ្រោះរត់ចូលក្នុងពេទ្យអោយគេជួយ។បន្ទាប់មកជនសង្ស័យក៏បម្រុងលើម៉ូតូជនរងគ្រោះ តែត្រូវបានប្រជាពលរដ្ឋលក់ដូរនៅក្បែរកន្លែងកើតហេតុមានការផ្អើលឆោឡោធ្វើឲ្យជនសង្ស័យគ្មានឱកាសរួចក៏នាំគ្នាជិះម៉ូតូគេចខ្លួនចេញពីកន្លែងកើតហេតុខាងលើបាត់ស្រមោល។ប្រជាពលរដ្ឋដែលនៅក្បែរកន្លែងកើតហេតុបានដាកើការសង្ស័យទៅលើករណីខាងលើនេះសង្ស័យជាករណីប្លន់យកម៉ូតូមិនបានសម្រេច។

    ក្រោយកើតហេតុគេឃើញមានវត្តមានលោកមេប៉ុស្តិ៍សង្កាត់ស្រះចក បានដឹកនាំកូនចៅចុះមកពិនិត្យនិងសួរនាំនៅកន្លែងកើតហេតុ រួចបាននាំយុវជនម្នាក់ដែលជិះរថយន្តជាមិត្តភក្កិជនរងគ្រោះទៅសួរនាំក៏ដូចដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលស្រះចកដើម្បីងាយស្រួលឲ្យសមត្ថកិច្ចធ្វើការស្រាវជ្រាវតាមរកមុខជនសង្ស័យយកមកផ្ដន្ទាទោសតាមផ្លូវច្បាប់៕ដោយ​ កុសល់

    spot_img

    អត្ថបទទាក់ទង

    spot_img