ភ្នំពេញ: រថយន្តធុនធំមួយគ្រឿងបើកបញ្ច្រាសផ្លូវជ្រុលទៅបុកម៉ូតូមួយគ្រឿងជិះដោយបុរសម្នាក់ពេញទំហឹងបណ្តាលឲ្យរងរបួសធ្ងន់។
ហេតុការណ៍នេះកើតឡើងកាលពីវេលាម៉ោង០៨យប់ថ្ងៃទី ១៨ ខែឧសភាឆ្នាំ ២០២១នៅតាមបណ្ដោយផ្លូវជាតិលេខ 3 ភូមិទួលកី សង្កាត់ភ្លើងឆេះរទេះខណ្ឌកំបូល រាជធានីភ្នំពេញ
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តធុនធំមួយគ្រឿងក្បាលពណ៌សពាក់ស្លាកលេខAT21 -3-1636ធ្វើដំណើរទិសដៅពីត្បូងទៅជើងបច្រាស់ផ្លូវចរាចរណ៍មនុស្សមិនដល់ចំណុចកើតហេតុខាងលើបានជ្រុលទៅបុកម៉ូតូឌ្រីមសង់មួយគ្រឿងពាក់ស្លាកលេខកណ្តាល1E-3021ជិះដោយបុរសម្នាក់ប្រើច្រាសទៅគ្នាពីជើងទៅត្បូងពេញទំហឹងបណ្តាលឲ្យដួលបោកនឹងថ្នល់រងរបួសធ្ងន់បន្ទាប់មករថយន្តសង្គ្រោះបន្ទាន់បានមកយកជនរងគ្រោះទៅសង្គ្រោះនៅឯមន្ទីរពេទ្យភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយគ្នាតាមផ្លូវច្បាប់៕ដោយ កុសល